澳洲五年VISA移民鋪路全攻略

更新日期：2021年1月5日

自從《港版國安法》公布實施之後，香港人講得最多嘅議題就係移民。澳洲係上個月亦都正式公布，無論你係在澳定準備前往嘅香港人，只要合符資格都可以獲得額外五年既簽證，為香港人提供一條新嘅出路。合資格人士更有機會申請永久居留權，成為袋鼠國既一份子！由於澳洲疫情嚴重，大家要留意visa申請時間會有所延誤，急需要申請嘅Roodies要盡早申請，唔好拖到最後！小編今日幫大家整合咗一份visa移民全攻略，無論你想移民，讀書定工作，呢篇文絕對可以解答到你所有疑問。

移民類

澳洲移民簽證可以分為以下兩種: (1) 投資移民或者 (2) 技術移民

方法一: 投資移民

如果你資金充裕，移民澳洲最直接快捷嘅方法就係投資移民。投資移民嘅簽證可以分為188和132，而188會細分為5類，每類簽證要求各異，下面一圖可以清晰解構！

方法二: 技術移民

如果你無強勁嘅後盾，又好想移民澳洲，你可以選擇技術移民簽證，只要合符資格就有機會得到永居！而技術移民簽證主要分為189和190簽證，呢兩類嘅簽證要求都唔同，值得注意嘅係各個州份需要的人才職業都唔同，所以各位要睇清楚skill list啦！下面一圖可以清楚了解！

讀書類

澳洲作為留學熱門國家之一，單單係留學產業一年就可以為澳洲帶來高達400億澳元的經濟效益並創造約25萬個相關職位。當中好多留學生最後更會成為公民，選擇係到落地生根。

學生簽證顧名思義就係為來澳讀書的朋友而設，簽證的種類按不同的課程亦會細分好多種。但不同類別的學生簽證，申請方式都完全一樣亦沒有年齡限制。只要成功申請課程並拿到eCoE，就可以申請學生簽證。

而學生簽證則以(Student Visa - Subclass 500)為主：

※各項申請標準請以澳洲入境總署網站最新公告為準。

工作類

如果你從未試過離開香港，但社會近況又迫使你有移民嘅念頭，小編建議你不妨可以試下working holiday，體驗一下外國生活先再決定係咪移民！一講起working holiday 大家都會第一個諗起去澳洲，因為要求相對較低又容易申請，絕對係移民外國前試水溫嘅好地方！由於受到疫情影響，簽證申請可能會需要比過往更長嘅時間處理! 下面一圖就簡而精地整合左澳洲工作假期簽證嘅注意事項⚠️

香港指定診所有兩間，位置都方便易去，大家可以參考下面地址！

如果你即將完成澳洲學位，而所讀嘅課程又係2年或以上，你就合符資格申請為期兩年嘅畢業生臨時簽證，亦即係為人所熟識嘅485簽證。澳洲總理推出嘅新政策下，所有持有或準備申請485簽證嘅港人畢業生會自動變為五年簽證，為合資格永居嘅港人鋪路！！😍 下面一圖簡單介紹2種澳洲畢業生工作簽證👇

以上三大類簽證最切合各位Roodies所需，以後有更多有關5年簽證後嘅去向資料，小編都會第一時間整合俾各位，大家記住鎖定Kongaroo嘅social media以及網站獲得最新資訊！

如果大家想重溫已公佈及由Acting Immigration Minister Alan Tudge所提及既言論，可到以下網站重溫: