澳洲簽證知多啲 - 澳洲強制健康保險🔍

申請澳洲簽證當然唔少得要買強制健康保險，無論係去澳洲讀書🇦🇺嘅Roodeis定係整臨時簽證嘅Roodies都一定要買！最常見分別就係1️⃣OSHC (Overseas Student Health Care) 同2️⃣ OVHC (Overseas Visitor Health Care) 😌。小編當年就冇咁多資訊，所以就求其合眼緣就揀咗一間💡！後來發現唔同公司嘅受保範圍同埋保費都唔一樣💰！有啲價錢竟然相差好大，真係夠我買多啲日用品啦！😮‍💨 究竟兩者有咩分別同埋提供相關保險公司有邊幾間？🤔 就等小編幫大家解構下同對比下保費有幾大分別，想知更多就一齊繼續睇落去啦🤓！

如果Roodies 有更好嘅Options/經歷想分享都歡迎留言話畀我哋知㗎！

1️⃣ 究竟咩係海外學生醫療保險(OSHC)？

OSHC (Overseas Student Health Care) 係由澳洲政府推出🇦🇺，專門針對🌟國際留學生🌟嘅學生保險類別🎓，只有政府指定嘅保險公司先可以提供㗎✨！作為申請學生簽證嘅條件之一，澳洲內政事務部(DHA)規定想嚟澳留學嘅學生需證明已經購買OSHC，連去Exchange短短嘅時間都需要㗎🌟！

OSHC能夠確保國際留學生喺澳洲留學期間能夠獲得適當嘅醫療服務🏥，同時又唔會因為經濟困難而擔誤治療😉。（小編：因為澳洲醫療服務真係好貴💸，之前屋企人嚟玩冇包保險整親，住醫院一個禮拜真係要十皮野㗎😭）

2️⃣ OSHC最基本嘅保險內容 (包含 Vs 不包含)

✅ Medicare批准嘅藥品費用💊

✅ In-Patient Medical Services (需要住院嘅醫療服務)🏥

✅ 救護車服務費用🚑

✅ 公立醫院或者指定嘅私立醫院嘅公用病房食宿費🚑

❌ 較高費用嘅藥劑、藥品 🤑💊

❌ 人工生育醫療服務 (例如:人工受孕) 🚼

❌ 非醫生處方藥或不包括喺藥物福利方案（PBS）中嘅藥物🙅💊

❌ 任何境外至境內或境內至境外嘅醫療運輸費用✈️

❌ 任何專科醫療(例如：牙醫、眼科、物理治療等等)🦷

各保險公司為咗滿足投保者嘅唔同需求，各自計劃都有包括唔同嘅extra cover，只要畀多少少保費就可以Claim到基本以外嘅保障😉。大家可以根據自己嘅實際需要，綜合考慮保險費用等等因素，選擇一款或幾款最適合自己嘅保險產品☺️。ℹ️而關於點樣申請，到如何claim嘅詳細資訊，就需要到每個保險公司官網上查詢啦🖥️。

Blog 獨家小貼士：

澳洲嘅OSHC保險通常規定學生需連續使用保險滿十二個月後，保險公司先開始報銷有關已有舊病相關嘅醫療費用以及懷孕嘅醫療費用🤰。

已有舊病(Pre-existing conditions)係指學生喺參加保險之前就已經罹患嘅疾病，或已有嘅潛伏症狀。比如患有心臟病🫀、哮喘🫁 等慢性病嘅情況。🤰意外懷孕通常都屬於保險範圍外，如果要購買懷孕保險，需要提前12個月購買。

3️⃣ OSHC保費對比💰

以下係得到澳洲內政事務部(DHA)承認嘅保險公司（以單人每年、基本級別嘅OSHC為例，並以澳元作單位）

Bupa，Allianz, nib, medibank 都比較多人買😗，雖然保費較其他高，但客戶服務都相對較好，claim保險比較快同方便，更有多國語言嘅服務👍！

4️⃣ 究竟咩係海外訪客健康保險(OVHC)？

OVHC (Overseas Visitor Health Care) 海外訪客健康保險係一種針對🌟持臨時居留簽證🌟在澳嘅旅客或工作嘅人嘅健康醫療保險🏥。部分簽證強制要申請人投保海外訪客醫療保險，如485簽證、482簽證、408簽證或附有簽證條例8051要求嘅簽證📃。

OVHC作為一個長期嘅保險，一般都係按月付款，畀錢就更有彈性啦🙌！當然，你想嘅話亦可以選擇按年付款。基本上最基礎嘅醫院醫療保險就可以滿足申請工作簽證嘅條件✅。

OVHC基本福利上同OSHC大致相同，但係好多專科醫生或者心理諮詢類別嘅醫療服務都不包括喺最基本嘅醫院醫療保險。

OVHC一般分為醫院醫療服務（Hospital ONLY）🏥 和醫療套餐（醫院醫療🩺以及額外醫療）Packages (Hospital + Extra)兩種類別。如果你想喺澳洲睇牙醫🦷或者治療近視問題👀，就可以考慮購買帶額外醫療嘅醫療套餐。

5️⃣ OVHC 保費對比💰

以下揀選相對地較受歡迎嘅幾間保險公司（最基本保險級別）

購買OVHC就冇話一定要有澳洲內政事務部(DHA)指定嘅保險公司🖥️，喺網上搜索到嘅OVHC比OSHC嘅可選組合更多👍。保險公司會提供低、中、高幾個級別嘅套餐💰。對比受保範圍、價錢、服務、報銷政策等，只要滿足自己需求購買就可以啦。隨著級別增高就會加入相等嘅extra cover，Claim嘅範圍同錢都會愈高🌟。

根據網上資料，Bupa以月費計係最貴，而Allianz、HCF 同medibank相對較平，但佢哋都係大公司；其他仲有CBHS、NIB等。如無特殊要求，根據小編和身邊朋友個人經歷，NIB喺性價比上係值得參考下嘅。但如果想親身去門市諮詢嘅話，Bupa同Medibank就會比較方便同多門市啦。😎

但保險公司不定時都會有promotion, Roodies就可以留意下～就算買咗都可以睇下其他保險公司，“執漏”未有受保嘅範圍嘛～

”文章內容資訊由MEA提供”

Facebook:

（澳洲） https://www.facebook.com/meaconsultancy

（香港） https://www.facebook.com/meaconsultancyhk

Instagram: @meagroup_officials

Website: https://www.ausmea.com/

Signal：+61 415 566 685

WhatsApp: https://wa.link/xpnkig

記得Follow/Share我哋 Facebook 同 Instagram!!!

FB: https://www.facebook.com/KongarooHK

IG: @kongaroo_au

FOOD IG: @kongaroo_food

7040