Kongaroo_Media
2020年8月26日2 分鐘
更新日期：2021年1月7日
四國互通自由流動計劃（CANZUK）係一個構想中嘅政治經濟聯盟☝🏼，聯盟成員包括加拿大（C）🇨🇦、澳洲（A）🇦🇺、新西蘭（NZ）🇳🇿 以及英國（UK）🇬🇧。CANZUK聯盟成立目的主要係透過提升貿易額，加強外交政策、軍事合作同埋實現四國國民嘅自由流動嚟組成強大嘅經濟共同體。英國喺2020年初脫歐後，四國亦即將互通，意味住移民其中一國等於移民四國。
今年6月嘅時候，英國同澳洲共同宣布啟動脫歐後嘅自由貿易談判，而呢個英澳自貿協議將會包括多種簽證放鬆措施。根據報導，英國同澳洲好可能會率先喺簽證上作出相應改動，同時，英國同新西蘭亦啟動咗談判。其實喺未宣佈之前，澳洲公民去英國工作係需要事先申請工作簽證㗎，相當唔方便。如果四國互通能夠順利實現，咁即係「英加澳新」嘅公民無需任何簽證，就可以自由喺呢四個國家工作、居住或退休，實現四國人口自由流動。咁講法，咪即係未來只需擁有「英加澳新」其中一個身份，就有四國享受？！持BNO港人可能有機會從CANZUK計畫中間接受惠！
早前，英國首相約翰遜 （Boris Johnson）宣佈咗有關合資格申領英國國民（海外）護照（BN(O)）嘅港人可申請居英權嘅政策：合資格嘅BNO港人及其近親，將可申請「香港英國國民（海外）簽證」（Hong Kong BNO Visa），並到英國生活5年時間，隨後可申請永久居留，再過一年後仲可以申請入籍。
而澳洲方面都公佈咗有關優待港人嘅移民政策：在澳留學嘅港人畢業生，或臨時技術簽證嘅持有人，將獲延長居留至5年，隨後亦有途徑申請永久居留（詳情可以睇返我哋嘅485畢業簽證雞精班教學文章）。另外，加拿大總理杜魯多（Justin Trudeau）亦喺上個月初表示加國正研究因應港區國安法嘅對港措施，其中包括移民政策，所以想去加拿大移民嘅港人都要密切留意！
不過開心還開心，四國互通嘅確實資料仍然有待公佈，我哋會為各位Roodies隨時候命update最新報道！
記得Follow/Share我哋 Facebook 同 Instagram!!!
FB: https://www.facebook.com/KongarooHK
IG: @kongaroo_au