photo-of-lighted-city-buildings-during-n

🏢住宿小貼士:入住澳洲Student Accommodation十大注意事項⚠️


準備過嚟澳洲讀書嘅Roodies有冇打算住呢邊嘅學生宿舍呢🤔❓未試住過宿舍又唔知入住時要準備又或者要注意啲乜呢🙁❓究竟有咩文件要準備、究竟有咩收費係租金唔包⋯⋯❓


係咪諗到頭都大呢🤯?唔緊要!今日小編就以自己經驗整理十項要特別留意嘅事項提提Roodies喇😚!


1️⃣留意房間價格

房間價錢未必同你實際付款一致,留意宿舍網站間介顯示嘅價錢通常會有「From」,指係最低嘅價錢,而價錢嘅浮動通常取決於你所選擇嘅付款方式💸,例如:假若你同宿舍簽一年嘅約,你一次過俾全款、先付一半,半年後再俾餘款、每半個月(通常兩星期)付款一次,當然付全款就會係最低價錢👍🏻,差價通常可以由每星期AUD$10-50不等,但壞處係你唔可以中途離開宿舍,冇每兩星期付款咁有彈性🤔。


2️⃣注意合同嘅條款

每間宿舍唔同類型嘅房型都有唔同嘅條款,例如:你選擇住share room,你同時亦要為幾間房公用嘅area負責(客廳及廚房);每間宿舍對於房間清潔程度及損毀程度(如有)嘅準備都唔同,有啲會要求保持同你入住前一模一樣🏠,有啲只會要求你唔好損壞原有嘅家具及裝修,佢地有可能會扣除你以前預付嘅保證金作唔同嘅清潔費或維修費,所以要特別住意合同嘅要求,避免拗撬😡。

3️⃣Check in前先申請澳洲銀行戶口

Check in前請盡快準備好澳洲嘅銀行戶口,因為入住時佢哋會要求你提供銀行帳戶證明📃,如果roodies一到澳洲就入住宿舍,佢地可能會要求你係一定時限內提供返,以證明你有足夠餘款付租金📆。


嚟澳洲之前嘅幾日可以係銀行網業上預約時間開通戶口,屆時你需要帶你嘅COE, VISA, passport及你需要匯入嘅澳幣就可以架喇*💵,記得叫銀行print bank statement 俾你呀📄!


**申請銀行唔可以用學校email


4️⃣唔好唔見房卡

唔同宿舍對於房間鑰匙有唔同政策,大部分係房卡🏷,有啲亦可以用電話開門📱(未必會有房卡,除非你手機有問題),但如果你唔見咗入住時提供比你嘅房卡,或將佢鎖咗係房入面,宿舍可能會就開門、新房卡有唔同嘅收費😭,但有啲宿舍係免費嘅😉。


5️⃣洗衣需額外付費

基本上所有宿舍使用洗衣房都係需要額外收費👔,價錢一次大約係AUD$3-4.5不等(洗衣不包含乾衣,乾衣通常一樣價錢,一次共AUD$7-9),有啲可能會用現金,但通常會透過住戶宿舍網上account或apps用credit/debit card 或paypal付款👛。


6️⃣留意宿舍嘅訪客政策

每間宿舍會有唔同嘅訪客政策🧍🏻‍♀️🧍🏻‍♂️,有啲會嚴謹要求訪客需要登記,有啲就冇咁嚴,訪客過夜亦有唔同嘅規矩,有啲係會徵收訪客房租㗎,有啲宿舍甚至會因為你帶非證記訪客入內或過夜而對你進行罰款😢。


7️⃣公共空間

學生宿舍係會有唔同公共設施俾住戶使用,例如gym、小型戲院、公共廚房等等,當中有啲設施會比較人多👨‍👨‍👦‍👦,例如會議室,尤其考試其間,所以大家記得使用之前要去book時間,如果唔係就冇得用架喇!同時亦要注意最長可以book幾耐🕐,等大家都可以一齊使用。


8️⃣留意租金係咪包含水電煤

雖然大部分student accommodation 都係包水電煤,但並非所有公司都會包含🙀,所以要特別留意,水電煤嘅帳單未必係每個月收費,可以係兩個月或三個月,記得要留意供應公司嘅資料啦😙!


9️⃣定期inspection

每間宿舍都會每半年做一次inspection檢查房間🕵🏻‍♂️,確保房間嘅清潔度同冇任何嘅損毀,同時亦會檢查房間內嘅煙霧感應器係咪正常運作🌫,確保住戶嘅安全,如房間有任何問題都可以同職員講返等佢地安排維修人員,當然如果係好urgent嘅問題,最好自己盡快落去同receptionist講喇💬!


🔟學生領袖計劃

Student accommodation 嘅價錢其實真係唔平,有冇咩辦法可以拎discount 呢?答案係,有嘅!有啲宿舍會有student leader program,只要你參加成為student leader,每年就可以減租高達AUD$1000🤩!Student leader最主要就要籌備、策劃學生活動,同時亦要認識負責樓層嘅學生,帶新嘅住戶入去community,佢地大部分都好sociable🤗,有咩小問題都可以問佢地架!


記得Follow/Share我哋 Facebook 同 Instagram!!! FB:https://www.facebook.com/KongarooHK

IG:@kongaroo_au

FOOD IG: @kongaroo_food

366 次查看0 則留言
Black on Transparent.png