抗疫、防疫，相信最近大家都會講起呢個話題。經歷過係悉尼第一輪Quarantine嘅小編就發現Frozen food嘅重要性，目前疫情嚴竣，Roodies盡量都要避免出街留係屋企。但偶爾唔想叫外賣，想食餐住家飯嘅時候，屋企儲落嘅Frozen food就大派用場啦！🤩
人人在家化身成抗疫廚神！係外國生活時間愈長就會發現，外國人普遍都鍾意將食物放入雪櫃嘅冰格，以延長食物嘅保鮮期限。將買返嚟嘅肉類、蔬菜直接放入冰格，擺足一個月都仲可以食用！除此之外，連食用期比較短嘅麵包亦同樣可以咁做。🍞（放冰格嘅方包toast返熱反而口感仲好呀！）除咗Frozen food，其實Lifelong milk都係一樣必備item。小編習慣每次都買兩盒放係屋企，每開一盒新嘅就去超市補貨。😆 有時唔記得新鮮奶已經飲晒，都仲有救命Lifelong milk可以沖返碗ceral繼續食，攞嚟沖咖啡都唔錯㗎！☕
係個List入面除咗有最basic嘅肉類、蔬果同埋意粉呢啲食品類之外，其實維他命C沖劑同埋消毒噴霧都相當重要！維他命C可以增強自己免疫力，一粒維C沖劑放入200ml水入面等佢"炸"完就飲得，相當方便！講起方便，當然仲唔少得消毒噴霧，最近人人都多咗網購，貨品寄到過嚟收件時噴一噴先入屋就更加安心啦～呢兩樣items係悉尼兩大超市 - Coles 同 Woolies 一度被搶至缺貨幾個禮拜，所以各位Roodies係超市見到返咗貨，而屋企又即將用晒，就記得入手啦！
好啦，講咗咁耐，究竟地道澳洲人儲糧必買嘅會係咩呢？🤔 快D碌落去cap低呢張澳洲版「抗疫終極超市購物清單」， 去到超市跟住買就唔怕會買漏啦！🤙🏻
小編溫提：記得想煮飯嘅前一日就要將Frozen food係冰格攞返出嚟解凍啦！🥦 同埋個list都係只供參考，Vegemite都係按個人口味需要先好購入啊！
記得Follow/Share我哋 Facebook 同 Instagram!!!
IG: @kongaroo_au
Komentáre