2021年7月13日讀畢需時 3 分鐘

悉尼抹茶控🍵必去，日本傳統茶筅手打抺茶Matcha-Ya 🇯🇵

作為一位專業嘅抹茶控🍵，一定要識呢間日本地道嘅抹茶專門店 Matcha-Ya🇯🇵! 悉尼嘅朋友有福啦，呢間位於悉尼市中心嘅Darling Square。位置非常方便📍，集中世界各地嘅美食，滿足你想去旅行嘅慾望✈️! Matcha-Ya 係由日本帶到嚟澳洲🇳🇿，採用日本靜岡製造廠，簡直置身喺日本當中♥️! 佢嘅茶亦有品質保證，每年會參加四次茶葉拍賣會，以獲取最優質的茶葉。茶葉全部由日本入口，大家可以放心食用👍🏻! 平日晚餐時間經常滿座，想試嘅話就記得早啲去啦💡。

Photos: MatchaYa

Matcha-Ya 唔單只茶葉高質🍃，而且食物同飲品嘅種類不勝枚舉，超過七十款比客人選擇! 小編表示有選擇困難症，每款都咁吸引，真係好難揀啊👉🏻👈🏻! 淨係抺茶飲品都已經有好幾款，每款各有特色。佢哋將日本傳統手打抺茶工藝帶到澳洲，師傅利用茶筅親手打抺茶👏🏻，係原始嘅味道啊！佢哋嘅開放式廚房，可以睇到店員用心調製每一杯抺茶。大家都可以清楚見到佢哋使用嘅抺茶，咁就食得安心又放心啦😚。由於Matcha-Ya 使用日本進口嘅原材料💮，所以價錢會稍高，但絕對值得！官網提供咗價目表💲，大家可以去之前睇定嗌咩，真係睇見都留哂口水🤤。

Photos: MatchaYa

到底呢間抺茶店有咩最值得試呢？佢地嘅Signatures第一位就係Matcha Latte！真係一試難忘，飲過返尋味。抺茶加牛奶簡直係完美嘅配搭🥛，牛奶中和咗抺茶嘅苦澀味，每啖同樣滋味。佢咃亦照顧埋素食人士🥬，只要加$ 0.5就可以轉豆奶🥛。另外，大家鍾情傳統正宗抺茶的話，可以選擇Houji -Cha Straight，係純正日本靜岡抺茶🍵！因為純正抺茶帶有苦澀味⚡️，第一次去我就建議揀牛奶抺茶，比較容易入口。只係Matcha Latte就已經有七種，其中有款係Spicy Matcha Latte😱，聽到都覺得好刺激，唔知味道如何呢？

Photos: MatchaYa

最後，緊係唔少得抺茶甜品啦🍴，其中最出名嘅就係Matcha-Ya Sandae。抺茶雪糕唔會太甜🍦，好啱亞洲人口味。仲有好多配料，例如士多啤梨、雪糕筒、抺茶蛋糕同埋鯛魚燒等，超級豐富♥️！另外，民選冠軍嘅甜品係抺茶捲，每個都係櫥窗整齊排列好，好似呼喚緊我哋去食佢💚 小編同朋友都好鍾意佢中間幼滑嘅忌廉，微甜不油膩😋。除咗抺茶味之外，佢哋仲有培茶卷！蛋糕主體非常柔軟，咬落去散發出濃郁嘅茶味，餘香滿口🌬。抺茶捲嘅份量適中，一人食一個都唔會好滯，同朋友分享更加滋味！