又要買嘢，又想草錢點算好🤔？草錢就緊係要由日常生活入手啦！澳洲唔會好似香港嘅信用卡咁有多優惠💳，但係澳洲好多大公司都有購物積分咭。平時買嘢可以當錢用，仲有好多優惠等住你拎。今次要介紹嘅就係澳洲兩大超級市場嘅購物積分咭，分別係🌟Coles同🌟Woolworths。唔單只呢兩間公司可以用到，佢哋仲有同其他大品牌合作。換言知，一張咭可以喺超過20間店鋪使用，真係好值得申請。以下小編會同大家分享吓點樣申請同埋有咩著數啦😍！
首先，就係Coles嘅購物積分咭 - Flybuys。Coles係澳洲其中一間連鎖超級市場🤓，全澳洲有2500間分店🏬，可以解決我哋日常生活嘅需要！Flybuys 咭提倡 "Give a Flybuys. Take more." ，到底有啲咩可以拎走呢？
只要每次購物都Scan張Flybuys咭，每一蚊就有一分，累積滿2000分就當$10用💰。當草夠積分嘅時候，收銀員會問你想唔想用咗佢🛎️，咁就唔怕唔記得咗啦。佢地嘅合作夥伴包括有Kmart、Target、AGL Energy同Citi Bank等，都係大家耳熟能詳嘅品牌。 另外，佢地有手機App可以玩遊戲草積分📱，搭車無嘢做就可以邊玩邊儲分，一舉兩得。周不時Apps入面會有獨家優惠比會員，千祈唔好錯過啊！🤭
申請Flybuys咭嘅程序好簡單，有兩種方法可以申請。
第一，大家可以直接喺手機應用程式申請📱。只要下載佢哋官方Apps，每次購物掃描返電子會員卡就可以啦😉！Apps版面簡單又易用，最啱大頭蝦成日唔記得帶咭嘅Roodies（同小編）🤣。
咁如果屋企有老友記咁點算啊，佢哋冇手機喎！唔洗擔心，Coles 仲有實體購物積分咭俾大家選擇💳。喺官網申請只需要三個步驟，完成後就會將積分咭寄到府上📮。操作十分簡易，大家都可以幫屋企人申請返張，全家一齊儲積分當錢洗。
Flybuys 官網：https://experience.flybuys.com.au/
另一間大型連鎖超級市場就係Woolworths🥰，全澳洲有超過一千間分店🏬，其中有64間係連接火車嘅便利店🏪。而佢地嘅購物積分咭係Everyday Rewards，每購物一蚊最高可達10個積分💰，積分相對比Flybuys 容易儲。而每當儲夠2000分，購物就可以當$10 現金用💰。除此之外，Quantas Frequent Flyer 就要留意啦，每滿2000分就可以轉換成1000 Quantas分💰。依家儲定積分，等澳洲開關就大派用場啦🛬！
至於點樣申請Everyday Rewards 咭呢💳？其實佢同Flybuys一樣都設有實體咭同電子版💳。同樣只需要三個步驟就完成，只要填妥返基本個人資料就搞掂。完成之後就會寄返張實體咭比大家📮。另外，申請電子咭可以下載返佢哋嘅官方Apps。不定期會有會員限定消息，咁就可以享受最多嘅優惠！
Photos： Woolworths Everyday Rewards
Everyday Rewards 官網： https://www.woolworthsrewards.com.au/
其實每次買嘢都可以儲積分，好快就草夠當錢洗💰。正所謂： 「慳得一蚊得一蚊。」🤑Coles 同 Woolworths嘅購物積分咭係澳洲二大超級市場推出，小編覺得只需申請呢兩張就夠啦。😍 只需申請一次，就可以享有咁多唔同優惠。大家都立即行動，即刻申請啦！😎
記得follow/share我地Instagram同Facebook!
References：
コメント