Kongaroo_Media
- 2021年1月29日
- 已讀 3 分鐘

🎨澳洲文藝嘅一面 - 3個墨爾本博物館重點推薦

墨爾本作為一個國際化嘅城市，都吸引咗唔少人嚟呢度✈️旅遊、📕讀書、💻工作、甚至乎係移民生活🏡。墨爾本的確係一個比香港生活節奏更慢，更🍃chill嘅地方。

睇咗咁多Kongaroo喺澳洲吃、喝、玩、樂嘅介紹，今次小編想介紹墨爾本呢個藝術之都嘅3間博物館🏛，畀Roodies睇吓墨爾本藝術性🎨嘅一面，平時冇留意開嘅你，又或者想探索新嘢嘅Roodies，可以趁住假期去體驗同感受一下墨爾本嘅藝術氣息🤩！

今次小編揀咗3間博物館都係屬於唔同類型，而且唔會悶，反而會令你大開眼界，仲靚到可以📸影相打卡，夠晒文青feel🧑🏻‍🎨！不過小編提提大家去博物館，手機一定要轉靜音，🙅🏻‍♀️唔好開閃光燈，同埋記得出街要繼續戴口罩😷，咁先夠安全！👍🏻😚

National Gallery of Victoria

首先要介紹嘅係維多利亞國立美術館，冇留意開博物館嘅Roodies都可能會聽過，因為佢絕對係墨爾本必去嘅景點之一！🤭國立美術館位於City，由Flinder Street Station🚶🏼‍♂️行十分鐘左右就到啦😆！美術館嘅入口就有兩個大嘅噴水池⛲，搭埋又高又闊嘅灰色外牆，未入到去已經感受到美術館嘅宏偉😍！入到去之後亦都令人眼前一亮，樓底好高，而且佢入面有間🍳cafe，畀人行完可以坐低飲杯嘢🍵，休息吓。

佢哋嘅展覽分兩部分，通常都會有啲期間限定嘅展覽，例如：上年超多人睇嘅KAWS展覽咁，不過就要收費嘅（固定嘅展覽係唔洗收費架😲！）固定展覽涉獵嘅範疇都有好多種，有嚟自世界各地嘅藝術收藏品，好似大量嘅名畫、攝影、雕塑、時裝品等等。美術館都按住唔同國家同年代分咗唔同嘅區間，畀Roodies了解更多唔同國家同文化嘅歷史👍🏻。不過小編想講美術館同展覽品真係大到同多到睇唔晒🤣，所以Roodies可以預翻多啲時間⏰行呀！

Photo： @小編

✅特色：位於CBD，墨爾本必去嘅景點之一！

⏰NGV International 開放時間：每日 10AM - 5PM

📍地址: 180 St Kilda Rd, Melbourne VIC 3006

Facebook：@NGVMelbourne

Website：http://ngv.melbourne/

Scienceworks

第二間要介紹嘅美術館就係Scienceworks啦！佢係一間科學嘅展覽中心🔭，入面嘅展覽都係比較新穎，怕悶嘅Roodies不妨去睇吓，呢度亦都好啱一家人帶埋小朋友去行👨‍👩‍👦。

Scienceworks嘅展覽主要係以科技為主，同埋有好多互動性嘅展品，幾得意㗎！

除咗科技，佢哋仲有一啲同宇宙🪐、太空🌒有關嘅展覽，其中最吸睛嘅係入面嘅galaxy展品💫，漆黑嘅環境更加突顯出展品嘅浩瀚！小編之前喺Instagram上都睇到好多人同佢影相打卡，真係好靚😍，好壯觀！不過留意翻而家去睇係需要預訂門票㗎！詳情可以上Scienceworks嘅網站睇吓！☺️

Photo: Scienceworks

✅特色：科學嘅展覽中心🔭，有好多互動性嘅展品；最吸睛嘅係入面嘅galaxy展品💫

⏰Museum 開放時間：Weekdays 10AM - 4：30PM；Weekends：9AM - 4：30PM

📍地址: 2 Booker St, Spotswood VIC 3015

Facebook：@scienceworks

Website：https://museumsvictoria.com.au/scienceworks/

Heide Museum of Modern Art

最尾要介紹嘅就係一間位於墨爾本東邊嘅現代藝術美術館啦！想了解多啲澳洲嘅藝術，可以去呢間睇睇🙆🏻‍♂️！佢哋嘅藝術品主要係澳洲當代藝術家創作嘅藝術品，現代感亦都比較重。未入到去美術館，出面就已經放咗啲立體藝術品🧱，去到入面除咗畫，都有唔少嘅立體藝術品，環境都充滿現代感✨，modern嘅建築都好啱影靚相📸！同一般嘅美術館唔同，呢間美術館只係得一大間主館，佢哋係有幾間唔同themes嘅分館架！美術館仲有一間好靚、好artsy嘅cafe，嘢食都唔錯，主要賣啲簡單嘅咖啡類☕️同pastries🥐等等，畀人坐低休息吓。