2021年11月24日讀畢需時 3 分鐘

澳洲生活篇 - 一文睇3大電訊服務🔍

📱機不離手已經係每個香港人習以為常嘅事！去到澳洲之後更加需要依賴網絡👩‍💻同身在香港嘅親友聯繫🏠📲📳！電話卡可以話係Roodies嚟澳洲留學、生活或者工作嘅必需品🌟！

但澳洲電話公司有咁多間，點樣揀先最啱自己🤔？想知更多關於澳洲電話公司三巨頭👉🏼（Telstra, Optus, Vodafone）同埋主要電話卡分類🗂，就要繼續睇落去👀！

Telstra

信號⭐️⭐️⭐️⭐️⭐️（五粒星）| 價格 $$$

Telstra喺澳洲係第一大電話公司，市場佔有率達到73%，而且係澳洲第一間有5G網絡嘅電話公司⚡️✨。相比起其他兩間電話公司，Telstra網路比較穩定，信號站覆蓋更廣📡，適合喺郊區🏞、經常去山旮旯地方玩🏔，或者打算住喺偏遠地區嘅Roodies。雖然信號真係唔話得，但整體plan嘅價格一個字「貴」💵💸🤑！

之前小編去Road Trip，全車人得用Telstra嘅朋友部電話收到信號，都只可以慨嘆「貴有貴嘅道理」😮‍💨～

Optus

信號⭐️⭐️⭐️⭐️ | 價格 $$

Optus嘅信號同價錢喺三巨頭之中算係中規中距！🌟雖然信號覆蓋同強度唔及Telstra，但勝在價格更優惠，性價比較高🤙🏻。適合短期旅行嘅Roodies使用😉！不過喺塔州部分路段都係收唔到信號（中肯啲講句，其他電話公司都係嘅，除咗Telstra）！如果預算冇咁多，又想要信號好啲，就可以揀Optus🔋！

Vodafone

信號⭐️⭐️⭐️ | 價格 $$

Vodafone喺3間入面相比之下，市場佔有率係最低。網路覆蓋率比Telstra同Optus低📡，所以喺偏遠地區嘅信號會收得比較差，上網速度都唔及前兩者。Vodafone 嘅優勢在於實惠，同等plan價錢嘅情況下，Vodafone通常比Optus 流量GB更多😉。如果你好少去郊區，基本上都喺市區活動嘅話，Vodafone 無疑係性價比最高，因為佢喺市區信號覆蓋率同Telstra差唔多，但係價錢上相對更有優勢。👍🏻

另外，除咗呢3間大型出名電話公司，仲有好多細公司會租用呢三巨頭嘅網路，但是價格會平好多，例如Aldi mobile、belong同boost mobile就租用Telstra嘅網路系統，信號都尚算ok。而小編之前都用過Vaya，信號同速度都幾好！👍

Pre-paid vs Post-paid

澳洲嘅電話卡主要分為▶️Pre-paid 和▶️Post-paid兩種。

Pre-paid係預付卡。一開始已經要預繳指定金額💵，卡裏面會有指定流量，有效期分為3/6/12個月都有📆。如果用到一半用晒所有流量，都可以直接轉成其他plan，或者再繼續充值。

Post-paid即係用咗先畀錢，每個月扣月費💰。通常會有fix-term合約綁定📃，如果簽咗12個月合約，半途唔可以轉plan。如果提前轉plan，都要合約指明嘅賠償金額💰，有啲更加要畀足12個月電話費先走得，記得簽約前要睇清楚🧐🧐！當然有啲公司都冇合約綁定，如果你唔鍾意用嘅話都可以隨時cancel，例如Vaya都有呢款嘅plan！

SIM Only vs Plan with mobile

📌Sim-only 即係自己已有電話📱，買張卡隨插即用。短期到3-7日，長期到12個月。通常機場🛬出嚟就有好多短期pre-paid sim-only 卡賣，裡面有價錢相應嘅通話費用或流量，更可以作應急之用。（其實係同前面提到嘅Pre-paid差唔多）

📌Plan with mobile即係簽合約機，可以揀12/24/36個月合約，辦理時就可以拎到新手機，部機都會按合約分期📃。如果咁啱要換電話📱，又唔想一次過畀咁多錢💰，連電話出機上台都係一個好方法😆。🚨但留意簽呢種合約會涉及到簽證同收入問題。如果係簽證有效期少於12個月，好難可以出機上台。如果係學生簽證或工作簽證，就要證明你有能力供款先得🙌🏻。

如果Roodies 有更好嘅電話台Options/經歷想分享都歡迎留言話畀我哋知㗎！