photo-of-lighted-city-buildings-during-n

🇦🇺澳洲租屋要點 — 基本知識逐個睇🏡


衣、食、住,行,樣樣重要!去得澳洲,點可以冇瓦遮頭🏠?香港土地問題令到樓價好貴,喺澳洲嘅樓又會唔會好貴呢💸💸?小編同好多人一樣,啱啱到步澳洲嘅時候冇咩經驗,兜兜轉轉先有個安樂窩💞。為咗幫到Roodies了解租屋基本知識,可以盡快搵到啱心水嘅「屋企」🏠,我哋為大家準備好喺澳洲租屋必定要知嘅小知識🤓,少個煩惱就可以快啲開始享受澳洲嘅生活啦🇦🇺~~😆💪🏻


🏠租屋類型

1. 校內宿舍 (On-campus Accommodation)


澳洲嘅大學🏫會提供唔少校內學生宿舍畀留學生同一啲住得偏遠嘅本地人🌾,令學生上堂方便啲。一般只係畀在校生申請📄。適合想要一行出門口就係學校嘅Roodies!(唔係講少,訓醒就行出去上堂真係幾方便!🤣🤣)


住校內宿舍可以同嚟自唔同國家嘅學生一齊生活,提升自己嘅社交能力👯‍♀️,識多啲朋友。但係校內學生宿舍嘅數量一般比較少,需求又大,需要提前自己喺學校嘅網頁申請。費用亦係所有住宿方式中比較貴嘅💸💸,一般AUD300-380/週不等。

2. 校外學生公寓(Student Unit/Studio/Unilodge)


喺學校附近嘅公寓一般係學校🏫同發展商合作嘅項目,通常都係位於距離學校比較近嘅地方。有啲可以喺學校網站就搵到,有啲就需要自己喺租屋網到搵或者發展商網站上搵🖥。校外學生公寓提供嘅基本設施同校內宿舍相似,價錢會平少少,一般AUD280-300/週不等。不過都係視乎新舊程度,有啲新嘅student apartments真係勁貴。


3. 中介租盤


一般都可以通過當地地產中介take到成間屋💪🏻,而且澳洲嘅地產中介都係受到澳洲法律嘅嚴格約束👩‍⚖️,完全按照正規流程同租客簽約,而且租客嘅保證金(Bond)一般要放喺政府嘅平台💰,例如:維州嘅叫RTBA,新洲嘅就叫Rental Bond Online。呢種方法相比起自己直接搵屋主私下租屋更加正規,穩陣啲🤩。


澳洲本地嘅租屋/地產網(供參考):

  1. www.realestate.com.au

  2. www.domain.com.au

  3. www.flatmatefinders.com.au


4. 私人放租盤


私人放租盤由於手續簡單,租期靈活🗓,租金都平💰,所以係最常見嘅租屋方法😼。有唔少同學仔都會選擇呢種方式進行過渡🙌🏻。關於私人放租盤都係要提醒大家,一定要睇清睇楚,仔細揀選,始終用呢個方法去租屋風險相對較高⛔️,係缺少第三方保障嘅渠道。如果冇合法嘅租約合約,租客權益係唔受保護㗎🙀!

5. 寄宿家庭(Homestay)


對於未滿18歲嘅留學生嚟講,如果喺澳洲冇親戚照顧,就必須要住喺寄宿家庭👩‍👩‍👨‍👩‍👧‍👦。所有提供寄宿家庭嘅屋主都係澳洲當地居民🇦🇺🦘,同時會幫Roodies更快融入當地社會😉。有啲寄宿家庭嘅費用💰仲會包埋餐錢,但每星期嘅租金就普遍較高💰💰。


澳洲大部分學校機構都有專門負責學生住宿嘅部門,尤其係高中同初中🖇📖。有啲學校會提供合作嘅住宿家庭list畀留學生參考🙉,不過實際上會住到邊個家庭都係隨機分配~🍀好講緣份!有啲18歲以上嘅成人留學生啱啱嚟到澳洲都會選擇住寄宿家庭🇦🇺,等自己可以儘快了解澳洲文化、融入本土生活🧳,最重要可以練下用英文同人傾計!


💰租屋費用有啲咩:


1. Deposit訂金💰

一般距離正式入住時間比較耐嘅情況下🗓,屋主或者中介會要求你先交一筆訂金💰(通常係幾個星期或者一個月嘅租金)。如果後期因為個人原因放棄租屋,訂金就會歸屋主所有㗎啦🏠!如果成功入住,呢筆訂金就會自動變成對應嘅租金。💰💰


2. Bond保證金💰

保證金一般係收取 4-6 個星期租金嘅等值金額,以防止租客損壞屋入面嘅設施之後拒絕賠償,或者防止提前擅自停止租住等等情況發生🚨。由中介介紹嘅屋嘅保證金一般係交畀政府機構Fair Trading嚟保管嘅🏦,如果退租嗰陣冇造成任何損壞,係可以全額退還!


3. Rental租金💰

一般係以週為單位,按月結算。月租金=週租金x52週/12個月💰

通常成間屋咁租嗰陣時係唔包括傢俬🛏、電器📺,多數需要自己購買同安裝。而家部分屋主都會提前添置好傢俬,方便租客即刻入住🧳。通常包傢俬嘅屋嘅租金都會高啲㗎💸!但係慳咗唔少人力物力,非常啱一啲初嚟澳洲、又急需要地方落腳嘅Roodies!!


4. Bills生活帳單💰

帳單包括上網費🤖、電費⚡️、煤氣費⛽️同水費💦。有一啲租盤仲會包埋煤氣或者水費,具體包啲咩就需要喺簽租屋合約之前同中介或者屋主確認好!😉


5. Inspection定期檢查

喺澳洲,中介同屋主有權定期檢查間屋(inspection),但佢哋必須提前預約,仲要通知住客🗣。如果遇到奇怪嘅屋主想嚟就嚟,又侵犯咗你嘅正常生活,可以選擇投訴或者尋求法律支持👨‍⚖️,記得一定要保護自己嘅合法權益💪🏻


6. Move out cleaning退租清潔🧹

喺退租嘅時候,租客有義務清潔好間屋🧹,要確保物件、設施冇損毀💔。如果中介或者屋主最後檢查嗰陣發現有唔乾淨嘅地方,或者係屋內有其他損毀,會喺保證金到扣除一定費用㗎💸!


7. Repair 設施維修👩‍🔧

屋內設施有故障,例如:水喉💧、冷氣機💨、熱水爐等損壞嗰陣,記得要及時通知屋主或者中介,等佢哋儘快安排修理。🔧🔧🔧


注意事項⚠️


  • 如果成間House🏠咁租而有花園/泳池🏊🏻‍♀️嘅話,一定要事先講清楚草地⛲️/泳池由屋主打理定係租客打理,因為呢啲維修成本都唔低。🔧🔧

  • 如果養寵物🐶🐱嘅朋友要事先同中介或者屋主確認可唔可以養寵物,如果事後畀人發現嘅話,可能會造成麻煩/不便😖!

  • 另外,澳洲好多屋內嘅房係冇鎖🔓嘅,得大門有鎖🔒。大家睇屋嘅時候可以留意一下,為自己準備一個擋門塞或係櫃桶鎖,同埋注意揀一啲靠得住嘅Roommate!!!


(資料由MEA提供)


Facebook:

(澳洲) https://www.facebook.com/meaconsultancy

(香港) https://www.facebook.com/meaconsultancyhk

Instagram: @meagroup_officials

Website: https://www.ausmea.com/

Signal:+61 415 566 685

WhatsApp: https://wa.link/xpnkig


記得Follow/Share我哋 Facebook 同 Instagram!!!

FB: https://www.facebook.com/KongarooHK

IG: @kongaroo_au

FOOD IG: @kongaroo_food

264 次查看0 則留言
Black on Transparent.png