photo-of-lighted-city-buildings-during-n

維州墨爾本生活/讀書 5大原因🇦🇺


相信有考慮過嚟澳洲讀書/生活嘅人都會上網搵墨爾本呢個城市🤔!但佢又唔係澳洲首都🗺,點解咁多人都揀喺維州墨爾本生活或者讀書呢?

維州墨爾本🇦🇺除咗長期位居全球最宜居城市頭十位之外📊,咁到底仲有咩原因令到咁多香港人鍾意呢個地方?當年小編選擇去澳洲讀書都揀咗好耐去邊個城市🧐,今次就等小編先講下墨爾本究竟有咩咁吸引啦😍!

📣已經喺澳洲嘅Roodies 都可以分享一下自己點解嚟澳洲讀書/生活畀新朋友知呀!想嚟澳洲嘅Roodies又知唔知墨爾本有咩過人之處呢😎? 睇睇以下原因適唔適合你啦👀!

1️⃣ 受認可嘅教學水平🏫

2022年QS全球最佳學生城市—墨爾本除咗有多間世界排名前列嘅大學,教學水平仲好高添,唔單止有嚟自世界唔同地方嘅精英講師同教授👩‍🏫,仲有專業嘅研究設施,所以位於墨爾本嘅大學都係最受國際學生歡迎㗎!🔥

2️⃣ 主流嘅咖啡文化☕

眾所週知墨爾本擁有世界數一數二嘅主流咖啡文化,基本上去到邊都有一間cafe喺你附近🤭。市中心有超過200間咖啡店☕️,每間咖啡店嘅裝修都各有特色✨,無論係鍾意影相打卡嘅Roodies📸、定係想要品嚐各款咖啡豆味道嘅Roodies、抑或係想感受高品質慢活生活嘅Roodies,都會享受墨爾本呢個城市嘅Vibe😎。

3️⃣ 澳洲藝術文化之都 🎭

如果講到陽光與海灘🏖️,澳洲就一定冇得輸!但同其他澳洲州份相比之下,墨爾本仲特別推崇藝術發展🎨!街邊小巷都可以睇到唔同藝術家展示佢哋嘅作品。🎵音樂方面,上至街頭表演者,下至週末音樂會等等,都令墨爾本比其他州份更多添一份藝術氣息。如果Roodies係對藝術好有興趣,咁墨爾本就好適合你😉!你可以同唔同嘅藝術愛好者交流、互相欣賞對方嘅作品。

4️⃣ 犯罪率最低嘅州份🔗

維多利亞州係澳洲最低犯罪率嘅州份。根據ABS嘅數據,維州嘅犯罪率喺過去十年入面係所有州份中最低嘅📉,反映一般市民都比較奉公守法,作為大城市嘅生活環境相對地都比較安全✅!

5️⃣ 容易搵到「Home Kong」嘅味道🥡

小編A:喺異地讀書真係會好掛住香港嘅美食㗎😭!!! 但係墨爾本有樣嘢好,就係好容易搵到多國美食嘅餐廳😍!無論Roodies掛住香港嘅茶餐廳美食、定係想品嚐地道嘅德國菜🇩🇪、意大利菜🇮🇹🍝、或者其他亞洲美食菜,尤其韓國菜都超級好食!喺墨爾本完全解決到你嘅需要!😋 根據調查,墨爾本有超過70個國家嘅地道美食任君選擇,所以喺「食」方面都好易解決㗎🍽! 如果你想慳錢自己煮👩🏻‍🍳,墨爾本都有好多亞洲超市畀你買到煮中菜嘅材料㗎!即使離開香港,去到距離香港大約5709公里嘅墨爾本✈️,都可以用美食感受下「Home Kong」嘅味道。所以homesick都唔洗太擔心!🥰

”文章內容資訊由MEA提供”


Facebook:

(澳洲) https://www.facebook.com/meaconsultancy

(香港) https://www.facebook.com/meaconsultancyhk

Instagram: @meagroup_officials

Website: https://www.ausmea.com/

Signal:+61 415 566 685

WhatsApp: https://wa.link/xpnkig


記得Follow/Share我哋 Facebook 同 Instagram!!!

FB: https://www.facebook.com/KongarooHK

IG: @kongaroo_au

FOOD IG: @kongaroo_food

178 次查看0 則留言
Black on Transparent.png