Kongaroo_Media
- 2020年11月22日
- 已讀 2 分鐘

🇦🇺維州放寬解禁計劃 Last Step!

放寬解禁計劃嘅最後一步，亦即係Step 4️⃣，將會視乎公共衛生情況而實行。維州政府亦預計喺今年11月22號嘅 11：59PM開始實行最後一步嘅解禁。根據現時維州Department of Health and Human Services每日提供嘅Coronavirus (COVID-19) daily update顯示，截至現時都係冇新確診，並且連續14日零確診個案，所以預計Step 4嘅推行時間唔會延遲。到時將會有更多嘅限制得到放寬，已確定放寬嘅限制包括：

社交聚會及外出

可以冇限制出門。
取消出行距離限制。
可以前往維州任何地區並不需要許可，但出門必須佩戴貼臉式口罩，除非有合法嘅理由唔戴。
私人聚會人數開放至10名訪客。
戶外聚集人數開放至50人(未滿12個月的嬰兒除外)。

運動與休閒

大部份體育運動都會恢復，但需要遵守密度限制，即單位空間內嘅人數限制，每4平方米可以容納上限一人。
室內體育鍛練運動及室內社區運動：每組團體限制20人，總人數上限100人，但需要遵守密度限制。大型運動場館將能夠容納總限制人數嘅25％。
室外運動和休閒活動：每組最多容納50人，總人數上限100人，但需要遵守密度限制。
游泳池，包括課程：室內總人數上限50人；室外則冇總人數上限，但室內外都需要遵守密度限制。
滑板場：室內總人數上限50人；室外每組團體上限為20人，總人數上限50人，但室內外都需要遵守密度限制。
彈跳床中心：每組團體上限為20人，總人數上限50人，但需要遵守密度限制。

社區設施

圖書館及社區場所：每組限制20人，總人數上限100人，但需要遵守密度限制（即單位空間內嘅人數，每4平方米可容納上限一人）。
每個空間唔多過5人進行唱歌或使用管樂器等活動。

儀式和宗教聚會

公共宗教崇拜開放，但需要遵守密度限制，即單位空間內嘅人數，每4平方米可容納上限一人。

- 室內：每組限制20人，總人數上限100人，但需要遵守密度限制。

- 室外：每組限制50人，總人數上限500人，但需要遵守密度限制。

婚禮：唔可以超過100人，但需要遵守密度限制。如果喺私人居住地方舉行就需要遵從私人社交限制規定。
喪禮：唔可以超過100人，但需要遵守密度限制。如果喺私人居住地方舉行就需要遵從私人社交限制規定。

零售及餐飲

所有商店可以開門營業。
美容同埋個人服務可以為顧客提供需摘除口罩嘅服務。
餐館同咖啡館可以接待人數更多嘅團體，提供坐席用餐服務。

娛樂

室內戲院、博物館或賭場等娛樂場所局部開放，但有人數限制。提提各位Roodies去相關娛樂場所之前可以向所屬分店查詢。
另外，夜店同埋卡拉OK場所都係未開放㗎！

Roodies亦可以去Summary of statewide restrictions for the Third Step and Last Step of Victoria’s roadmap to reopening了解更多Step 3同Step 4解封嘅內容。雖然維州放寛唔少限制，但Roodies 記得都要做好防疫措施，好好保護自己同其他人！💪

記得Follow/Share我哋 Facebook 同 Instagram!!!

FB: https://www.facebook.com/KongarooHK

IG: @kongaroo_au

FOOD IG: @kongaroo_food