又到聖誕，又到聖誕~🎄🎁。一年一度嘅聖誕節就嚟到喇🤩🍾，因為澳洲大部分（基本上係所有🤓）嘅購物商場都會喺聖誕節當日閂門休息，所以以往就有好出名嘅「聖誕前34小時購物狂歡」喺各個主要購物商場舉行，畀各位Roodies大買特買🤪，裝飾吓屋企之餘，仲可以用限時優惠買到比平時更抵嘅心頭好🥳！ 不過都係嗰句，呢個活動好大機會因為今年疫情關係而搞唔成喇🥺。之但係各大商場又點會咁忍心咁對我哋嘅Roodies呢，今次小編收到消息，維多利亞州嘅Chadstone - The Fashion Capital，又稱南半球最大嘅購物商場，正計劃緊一啲應變方案為Roodies帶嚟不一樣嘅聖誕購物體驗🤓🛒🛍。而其他大型購物商場喺聖誕期間嘅營業時間就暫時未落實。
首先各位Roodies最緊張嘅當然係商場會唔會開同埋開到幾點🤣，雖然開放時間可能同以往有啲唔同，但好消息就係Chadstone購物商場喺聖誕期間嘅營業時間會延長，而最新update嘅開放時間為：
12月21日 星期一：8am - 午夜
12月22日 星期二：8am - 午夜
12月23日 星期三：8am - 1am
12月24日 星期四：7am - 6pm
12月25日 聖誕節 星期五：CLOSED
12月26日 星期六：6am - 11pm
12月27日 星期日：8am - 10pm
Chadstone購物商場嘅經理Michael Whitehead早前就介紹初步商場重開計劃，寫信畀商場嘅商户，並且表示：
「希望喺可預見嘅未來，商户仍然可以遵循社交距離指示。」
「我哋知道，顧客喺我哋商場活動嘅時候，我哋係有共同嘅責任保護佢哋嘅安全，亦係一件好有挑戰性嘅事。」
「商場管理層同我哋嘅零售商都需要謹慎管理，保持適當嘅社交距離，保障各位嘅安全，特別係喺最繁忙嘅日子要更加小心。」
為咗妥善管理舖頭外面嘅人流，避免有擠擁嘅情況出現，並保證其他顧客可以喺商場入面安全咁行街買嘢，Chadstone商戶計劃使用最近新推出嘅線上排隊系統 —— SocialQ，顧客需要去到SocialQ 嘅網站預留位置同排隊📱，亦可以透過利用電話QR code去預留店舖嘅位置同埋線上虛擬排隊，假如舖頭入面有太多人，顧客亦都可以選擇喺線上預留位置，然後再返嚟，嚟幫助商場管理客流量。系統會經過整個商場並且每15分鐘更新一次，方便幫助Roodies計劃吓shopping行程。
而好多電售商鋪同商場都開始可以經SocialQ使用網上留位同排隊服務，包括Vicinity、GPT、JB Hi-Fi、Kmart、Target、Country Road、Cotton On 同 Just Group。嚟緊仲會有其他唔同嘅商場同店舖會加入𠻹😆。
除咗有延長嘅開放時間同埋SocialQ管理商場人流，令到各位Roodies可以行得安心又開心，Chadstone購物商場今年亦都會推出返熟悉嘅聖誕相關活動 ‘Twas The Night Before Christmas‘，當中包括商場嘅佈置、識講嘢嘅馴鹿🦌、落雪特效❄️、大大棵嘅聖誕樹🎄同埋音樂燈飾嘅裝飾🎶。仲有就係特別因疫情關係而設嘅非接觸式體驗，令Roodies就算要有社交距離亦都可以同聖誕老人影相留念📸🥰。呢個非一般嘅聖誕老人影相體驗會有專業攝影師為各位影低每一個珍貴時刻，影完之後仲可以直接send去電話📱。聖誕老人會喺12月1號至24號位於商場中心，除咗需要預留位置嘅費用AUD$5.5之外，其他嘅費用係全免！有興趣嘅Roodies記得快啲去reserve同聖誕老人🎅🏻影相喇！🤣
按照一路以嚟嘅習慣，聖誕節前係超級繁忙嘅購物狂歡期，但今次各商場嘅計劃為咗舒緩交通高峰期嘅塞車🚗（知道大家都會急不及待揸車衝去shopping~😆），商場鼓勵大家喺上午9點至11點之間嚟到商場購物，分散一吓商場嘅人流之餘，大家又唔使迫埋一齊等咁耐😎。
Whitehead亦表示：「喺Chadstone購物商場，每個品牌同企業嘅成功，係依賴住我哋所有人共同嘅努力、互相合作、互相支持去應對新冠疫情，為每個人提供最佳嘅成功機會🏆。」去鼓勵各公司上下同顧客，希望疫情可以快啲完結💪🏻。
小編會為各位Roodies留意住嚟緊聖誕節各州各大型商場有咩新安排同應變方案，mark實我哋睇最新嘅update喇🤩！
記得Follow/Share我哋 Facebook 同 Instagram!!!
IG: @kongaroo_au
FOOD IG: @kongaroo_food
References:
Herald Sun - 主要購物商場新安排
Chadstone購物商場新安排
SocialQ
Chadstone購物商場虛擬排隊步驟
聖誕老人影相體驗
Comments