Kongaroo 🦘 X 港製作 MIHK Promotion

2020年11月24日讀畢需時 4 分鐘

喺呢個人人都追求方便快捷嘅社會🏃，網購🛒已經成為好多人生活上不可或缺嘅一部分，尤其喺疫情呢段時間，買衫又好，買餸又好，上網都買得到既方便又安全🙆。好似小編咁身在異鄉，又飛唔到返香港，其實真係會好鬼掛住香港嘅所有野😕💭，特別係嘢食😳，但搵咗好耐都搵唔到一啲專賣🇭🇰香港嘢嘅網店，直至見到呢間MIHK😻！

可能你會話：「車～澳洲都有港超啦😒！」，但小編今次介紹嘅網店MIHK，佢哋所賣嘅嘢唔止有喺澳洲比較難買嘅香港食品🍜，仲有其他生活精品應有盡有，就連母嬰產品都有得賣㗎😲！

除此之外，佢哋賣嘅嘢主要都係🇭🇰香港進口同製造𠻹呀！MIHK嘅貨倉位於墨爾本嘅North Melbourne，Roodies可以選擇直接去自取，亦可以選擇郵寄，全澳洲都可以寄㗎🙈！

Kongaroo一直都希望可以出一分力💪去支持好嘅🇭🇰香港Business，無論喺澳洲定香港，我哋都知道創業係非常唔容易，所以我哋略盡綿力希望透過Kongaroo平台介紹多啲出色嘅港產公司畀各位Roodies🙇！如果你都掛住香港，又想喺澳洲買到同食到香港製造嘅嘢，就要繼續碌落去睇吓MIHK有咩正嘢買啦😎！

About MIHK 👋

『相信「香港製造」呢個品牌值得喺國際上佔一席位』 - 意念同Kongaroo接近嘅港製作MIHK係一間喺今年創立嘅港製特色產品進口商，目的係將香港製造嘅產品帶到世界每一個角落發揚光大，而澳洲就係MIHK嘅起點。MIHK 呢個名其實就係Made in Hong Kong嘅簡寫，正正符合佢哋所賣嘅產品，9成都係香港製造㗎！即刻碌落去睇吓小編整合嘅產品分類介紹啦！提提Roodies記得睇到尾仲有專享全單九折嘅優惠碼㗎🙊！

MIHK同多間香港知名嘅品牌合作，例如悅和醬園、冠華食品、文記、Teaddict同埋大孖等等。更多MIHK合作嘅品牌可以點擊了解更多。

產品介紹 📦

醬油同醬料

MIHK提供多款香港人成日用到嘅醬油同醬料，😋，例如有好多人未食過但都有聽過嘅文記辣椒油，又或者悅和醬園出品嘅甜豉油，仲有其他嚟自唔同港式小食店嘅秘製醬料，有沙爹醬、豆瓣醬等等，正宗又好味🍲！。MIHK甚至為鍾意食辣嘅人提供一個辣味專區（小編心中立即有股暖流湧上嚟😻），裡面充滿各種香港獨有嘅辣味，例如有香港雞煲店會用到嘅「紅魔雞煲醬」、街邊咖哩魚蛋嘅用到嘅「赤柱江仔港喱醬」，又或者自製譚仔必落嘅「辣殺渣GA油」包你食過翻噚味🤤。

就算留喺屋企嘅Roodies都可以煮出香港味道🇭🇰😍！

除咗香港地道小食嘅醬料，MIHK仲有賣其他🏡屋企都一定要有一樽嘅調味料，好似純手工XO醬、雙璜生抽、豆豉、柱候醬、就連平時喺香港食蟹會落嘅薑蓉蟹醋都有啊🙀😻！

乾貨類

除咗醬料之外，MIHK亦都有賣不同嘅乾糧，喺麵食方面🍜，有永樂粉麵廠出品嘅蛋白魚蓉麵、瑤柱麵同埋蝦籽麵等等。零食方面就有充滿童年回憶嘅冠華珍珠蝦片同華園齋燒鵝，真係正中小編嘅口味啊😋！仲有脆魚皮零食🐟，唔止啱曬口痕嘅時候食，用嚟送湯麵食同打邊爐都係絕佳配搭😎！

飲品類

MIHK帶嚟Teaddict嘅各式茶類，其中有港式早餐茶(奶茶茶膽)、港式鴛鴦 (鴛鴦茶膽)以及港式下午茶 (檸茶茶膽)。小編認為一日嘅開始如果有一碗蝦籽麵，再沖杯佢哋嘅best seller - 港式奶茶，夠曬香港style之餘，仲可以保持到一日嘅好心情😌。

港特色港文化類

除咗飲飲食食，佢哋都有賣充滿🇭🇰香港特色同文化嘅生活小品：印有粵式🐓雞公嘅餐具，唔止靚，仲好有家的感覺💕；鐘意扮靚嘅Roodies💅，MIHK連飾物都有賣，多款港式食物造型嘅手工耳環，好似蛋撻同菠蘿油咁，夠曬精緻又過癮啊🙉！

母嬰專區

MIHK亦都好照顧喺澳洲有小朋友嘅香港家庭👦👧，特別設立咗一個母嬰專區，裡面可以搵到由香港繪本文化出品嘅香港繪本，當中值得注意嘅係高佩聰小姐嘅作品 - 「等待」係第五屆「豐子愷兒童圖畫書獎」佳作獎嘅得獎作品，透過呢系列嘅書籍，可以畀喺澳洲長大嘅香港小孩，感受香港嘅各種文化。📚，就算唔係居住香港，都不忘香港嘅根🇭🇰！除咗繪本，仲有啱煮畀幼兒、小朋友嘅健康麵食🍝，仲有有三種口味可以選擇㗎！

睇到呢到，相信大家都睇得出Kongaroo係誠心推薦呢間網店俾Roodies，MIHK嘅食品同產品真係值得一買！Kongaroo希望喺呢段困難嘅時候都可以同一眾拼搏緊嘅香港人共同進退💪，支持香港創業同生意，更希望可以宣揚香港獨有嘅美食同文化🇭🇰💞😆！Roodies都快啲禁入去港製作MIHK睇下更多唔同嘅商品支持一下香港網店啦！各位Roodie亦都可以訂閱MIHK去知道有咩新上架嘅貨品，又或者係各貨品嘅上架時間，可以大大避免自己搶唔到熱門貨品嘅情況！