2020年11月9日已讀 3 分鐘

Woolworths要做聖誕老人？🎅🏻🎁 推出特別系列活動過聖誕🎄！✨

喺疫情呢段期間，相信好多Roodies都因為冇得周圍去而會留喺屋企睇吓戲💻，玩吓桌上遊戲🧩同執吓屋🏠。臨近聖誕節🎄，各個商場同超級市場都推出唔少特別系列。早前，Woolworths 超級市場再度推出風靡全澳洲嘅Disney+ Ooshies™36隻微型公仔figurines收藏系列，令唔少Roodies都展開咗佢哋嘅收藏之路。而11月開始，Woolworths為各位準備咗新嘅特別項目，大人同小朋友都有份🥳。想知有咩實用又新奇嘅嘢可以喺Woolworths買到，快啲碌落去睇啦🤓！👇

慢慢踏入年尾，差唔多到聖誕節🎄，又係整理同裝飾屋企嘅時候喇！當然唔少得將屋企嘅嘢收納好，到時請朋友嚟屋企玩都冇咁亂嘛🤣。Woolworths首席銷售主任表示；「喺聖誕節、新年同重返學校嘅時間，客戶需要忙碌幾個月，佢哋想搵一啲可以令顧客從商店中獲得最大價值的方法。」Woolworths睇嚟知道呢一點，所以佢哋推出咗用Everyday Rewards積分換多用途玻璃餐盒換領活動🤓。

多用途玻璃餐盒總共有七款，大小形狀及容量都唔同，用鋼化玻璃製成，可以安全地放入雪櫃或冰箱冷藏或者放入烤箱或微波爐，仲可以放入洗碗機𠻹！；玻璃盒蓋就用咗塑膠材料加上膠邊密封鎖緊，幫助保持食物新鮮，同埋設有加熱後蒸氣排氣孔，可用來裝好啱啱烹煮完或者喺微波爐加熱完嘅食物👍🏻。

由11月11號開始，無論係喺Woolworths實體店定係網店購買，買滿AUD$20，記得用埋Everyday Rewards Card就可以獲得1分嘅餐盒積分（container credit），儲夠至少20個積分就可以換一個餐盒，當然唔同大細嘅餐盒所需要嘅積分都唔一樣喇😆。為咗令各位Roodies有個美好嘅儲分開始，由11月4至10號喺Woolworths實體店或者佢哋嘅網上超市shoppings，都會有額外嘅5分餐盒積分。

額外積分獎賞計劃：

日期：2020年11月4號至10號

獎賞：喺Woolworths實體店或Woolworths網上超市都會有額外5分餐盒積分。

玻璃餐盒換領活動：

活動日期：2020年11月11號 - 2021年2月2號，或換完即止。

「只限換領」日期：2020年2月3號 - 2021年2月16號（只可以換領，唔包括儲積分）

有興趣嘅Roodies快啲睇定有邊個size啱心水😛，快啲準備好去買嘢喇！

尺寸：

圓形 .62L：20積分圓形 .95L：25 積分圓形1.75L：30積分
矩形 .61L：20積分矩形1L：25積分矩形1.45L：30積分矩形2.2L：40積分

除此之外，各位家長級嘅Roodies係咪煩惱緊喺今個聖誕可以買啲咩禮物畀小朋友呢🤣？Woolworths幫緊你幫緊你！Woolworths發言人表示：「隨著聖誕節臨近，家長開始尋找一啲可以激發創造力同想像力而又有趣嘅禮物，我哋為咗製作所有新鮮食物畀小朋友而開設咗一個迷你Woolworths超級市場。」亦已經有啲家長表示：「佢哋已經證明咗呢個係深受客戶歡迎嘅禮物，我哋希望佢哋可以喺今年聖誕節大受歡迎🎊。」；「呢樣一定會喺今年嘅聖誕樹下面見到佢！🎄🎁」；「我都係Woolworths嘅收銀員，都想買一個比自己嘅小朋友一齊玩😆。」

講咗咁耐究竟呢樣玩具係乜嘢？而家喺900間Woolworths都有呢樣非常熱門嘅新items，而且已經熱賣中（聽聞都好搶手🙊），就係傳說中嘅迷你Woolies超級市場收銀機套裝 Mini Supermarket😍！入面包含47個配件（收銀機、掃描器、模擬銷售觸碰屏幕、塑膠水果、產品貨架、迷你購物袋同Woolworths標誌，仲包括埋Woolworths早前推出嘅牛皮紙袋）😜真係縮細版嘅收銀機（完全滿足咗小編細個時候嘅收銀夢🤣）。呢個迷你超級市場玩具高 750毫米，寬 460毫米，深 290毫米，非常適合bb Roodies同小朋友玩🏪，家長們可以度吓玩具大細，睇吓屋企邊到有空間放🥳！諗一諗，佢仲可以成為STEM嘅學習體驗添！而價錢方面，標準零售價係AUD$60，但據消息一開始同見到有啲地方賣AUD$40，好多家長都蜂擁去買呢個玩具比小朋友做聖誕禮物🎁🎉，不過亦都有家長話唔係每一間Woolworths都有貨，所以Roodies下次去嘅時候不妨睇吓附近嗰間有冇貨💚。