疫情擴散至全球各地，而澳洲亦係其中一個疫情較為嚴峻嘅國家😷。由於澳洲嘅經濟受到嚴重打擊，聯邦政府喺上星期五 (4號）推出60年嚟澳洲最大規模嘅全球人才移民計劃☝️，亦係政府JobMaker計劃之一。目標係吸引更多國際大企業同傑出頂尖人才去澳洲移民定居工作，幫助疫症後嘅經濟復甦以及增加本地就業機會，可以話係一舉兩得🤝！政府成立特別工作組(The Global Business and Talent Attraction Taskforce) 專責處理，工作組由聯邦政府、各州、地區同私營部門嘅專家負責招聘同審核，務求搵到適合移民澳洲嘅人才。呢個工作小組會作為「衝鋒隊」負責加大力度推動計劃，吸引全球高價值嘅企業同人才來澳，而英、美、新加坡同香港就喺佢哋主要嘅招募市場😏！相信各位Roodies都記得喺7月9號澳洲總理Morrison宣佈為港人提供5年延長簽證計劃，而今次呢個新嘅移民計劃更直接點名要吸納香港專業人才🇭🇰。相信Roodies可以有一個全新嘅途徑移民澳洲🙌
今次呢個計劃會首先focus喺三個領域: (1) 先進製造業 (Advanced Manufacturing)；(2) 金融服務 (Financial services) - 包括金融科技 (FinTech) 相關；以及 (3) 衛生保健 (Health)。
呢三類嘅簽證計劃絕對為唔少擁有一技之才嘅傑出港人而設，如果Roodies有興趣申請就可以填妥表格就會有專人聯絡你跟進㗎啦😎！
以上提到嘅全球人才移民計劃雖然向港人招手，但職業範圍較窄同門檻相對較高，可受惠嘅港人亦比較少。😟但澳洲政府要應對經濟復甦嘅人才需求，當然仲會有其他新措施去留低人才啦！😎 喺9月2號澳洲政府就公布咗優先移民職業列表（PMSOL），如果Roodies本身有諗住參加中長期技術移民（MLTSSL）、短期技術移民（STSOL）、偏遠地區移民（ROL），但又未符合資格或者嫌耐，不妨睇下17個職業入面有冇你份！🕵🏻
優先移民技能職業名單（PMSOL）上嘅17種職業係根據國家技能委員會嘅建議，並且同相關嘅英聯邦機構協商而製定，會定期進行審查。🤝 喺新嘅優先技能列表（PMSOL）中，職業技能主要針對醫療、建築同埋IT職業，希望增強對澳洲COVID-19喺健康同經濟上嘅緊急技能需求。呢次嘅職業列表令少數受資助嘅專業人才翻返澳洲，從而幫助澳洲創造更多就業機會同重建經濟。💪
所有其他技術移民職業列表將保持原有狀態，而PMSOL上經僱主贊助嘅提名同簽證申請將會得到優先處理😻。所以符合PMSOL職業嘅簽證持有人可以要求豁免澳洲旅行限制，盡快到澳洲開始工作，提提Roodies記住要搵埋僱主擔保啊！☝️
呢次嘅職業列表係臨時嘅，隨著澳洲疫情嘅恢復情況，優先職業列表可能會發生變化。 政府技能委員會將繼續監視COVID-19對澳洲勞動力市場嘅影響，並隨著澳洲嘅技能發展同更多新數據嘅出現，去評估現時技能嘅需求，所以唔喺清單上嘅職業都唔代表將來冇機會㗎！將來有興趣去澳洲讀書，而且係以移民為目標嘅Roodies可以參考一下，了解咩類型嘅技術職業喺未來需求可能比較大啦！📚
對於PMSOL職位提名同簽證申請優先處理，適用於以下僱主擔保簽證類別：
以下為截至9月9號嘅PMSOL 更新職位，列表上嘅職業以醫護行業為主，其次係建築行業同程式開發。
記得Follow/Share我哋 Facebook 同 Instagram!!!
IG:@kongaroo_au
References:
PMSOL 更新職位列表
全球人才移民計劃
全球人才招募小組可帶來新機遇
「衝鋒隊」主力招聘頂尖人才來澳工作
全球人才簽證計劃簽證申請
全球人才僱主擔保計劃簽證申請
https://immi.homeaffairs.gov.au/visas/working-in-australia/visas-for-innovation/global-talent-scheme
商業創新與投資計劃簽證申請
