photo-of-lighted-city-buildings-during-n

🇦🇺價廉物美超市掃平貨:Aldi必試產品🛒😋


上次介紹完澳洲兩大超市嘅積分咭,又介紹咗幾款必試零食,你以為得兩間超級市場🏢?今次小編就要介紹一間價廉物美嘅超市- Aldi🤩。Aldi係嚟自德國,2001喺澳洲開咗第一間鋪🇦🇺,到目前為止全澳已經有超過400間分店✨。基本上食品、日常用品、服飾、小型家居,甚至電器都有,可以話係「麻雀雖小,五臟俱全」🐧。但係好多家居同電器都係限時搶購⏱,有興趣都可以留意佢哋官網嘅Special Buys😎。最重要係價錢方面💰,同類型嘅產品一般都會比出面平。事不宜遲,一齊睇吓有咩必買推薦📌!


Photos: Aldi

零食類


Benton’s 花生曲奇🥜🍪

花生控必試,食過返唔到轉頭🥜。呢款係小編無限回購嘅餅乾🍪,就係Benton’s嘅花生曲奇。每一塊都係由真花生製造而成,面頭上會有粒粒花生,食落啖啖都食到花生!口感方面,成塊曲奇都係硬身🥄,有啲似核桃酥,十分鬆脆可口😋。身為香港人,一定好怕佢會太甜。呢款最正就係微甜,絕對唔會影響濃郁嘅花生香味。



Photo: Aldi


另外,除咗原味之外,仲新出咗朱古力味🍫。表面用朱古力覆蓋住,將花生曲奇昇華到另一個層次🤩。如果鐘意朱古力嘅你,就要買嚟試吓啦!


Blackstone Five Grains全麥脆片

提到澳洲國民零食,一定係Sunbites嘅Grain Waves波浪全麥脆片。原來Aldi都有相似嘅脆片,佢就係Blackstone嘅 Five Grains😋,相似度有90%😱!佢用五種穀物製成嘅,而且口感豐富,好啱一家大細👨‍👩‍👧‍👦。呢款同樣係非油炸既脆片,咁就啱哂想減肥健康啲嘅你🏋🏻‍♀️。小編唯一食得出唔同嘅地方就係,Blackstone會比較薄👍🏻,但味道就一樣啦。價錢都好吸引💶,大家都可以買嚟比較一下。




急凍食品類


Prawn scallop and lobster bisque pots🥘


呢款海鮮湯真係令人一試難忘,完全係西餐廳嘅味道🥘。大時大節諗唔到煮咩好,呢款急凍湯就幫到你啦✨,係一款令人覺得你廚藝精湛嘅菜式😍。呢款海鮮湯包含帶子同大蝦🍤,配上龍蝦湯底,簡直一道高級菜!龍蝦湯濃郁,海鮮足料鮮甜,牛油同芝士鋪面🧀🧈。自己整好簡單,解凍之後直接放入焗爐15分鐘,一碗既有賣相又有內涵嘅海鮮湯就出爐啦🤩!

Photo: Aldi


Greek tiropita cheese

香港人比較少食希臘菜🇬🇷,但呢款希臘傳統菜式一定要試下啦。小編嘅希臘朋友都大讚味道十分正宗😋,有種返咗希臘嘅感覺。呢款芝士酥皮卷經常斷貨🤥,見到就快啲入手試下啦。外層係酥皮✨,焗完之後超鬆脆。餡料就係好creamy嘅軟芝士🧀,非常濃郁!食完好飽肚,好啱Party同朋友一齊分享🧍🏻‍♀️🧍🏻。








Photo: Aldi


唔知大家喺Aldi有冇必買必試嘅推薦呢🛒?以上都係小編親自試過,而且仲回購咗好多次!其實仲有好想正嘢都可以喺Aldi搵到,咁就要大家去尋下寶啦🗝!佢哋都有Weekly Catalogue🪄,如果大家想知有咩平靚正嘅嘢就一定要睇啦。



記得follow/share我地Instagram同Facebook!

FB:https://www.facebook.com/KongarooHK

IG:@kongaroo_au


References

https://www.aldi.com.au

294 次查看0 則留言
Black on Transparent.png