photo-of-lighted-city-buildings-during-n

🇦🇺召喚零食控 - 澳洲必買零食推薦😋


最近澳洲天氣異常,疫情又反覆🤧,大家有冇多咗Work From Home?留喺屋企特別口痕,好想搵零食食😋! 澳洲超市嘅零食琳琅滿目,係咪唔知揀邊款好呢?作為零食達人,今次會為大家介紹澳洲必買零食!包括有朱古力🍫、薯片、健康脆片等等🍪,每款都超級好食。其中一定有你熟悉嘅牌子,估唔到有啲好食嘅零食仲未比人發現。係時候要試吓新嘢啦! 你會發現原來錯過咗啲咁好食嘅零食💛


如果身處喺澳洲嘅你,睇完就快啲帶哂佢哋返屋企啦👍🏻(但記得買足夠份量就好)。全部喺Coles 同 Woolworths 有售,有時仲會有特價,記得留意住 Kongaroo【超市優惠 Catalogue】。香港嘅朋友又唔洗咁傷心😔,有部份喺連鎖超級市場都搵到🤩!事不宜遲,即刻睇5大澳洲必買零食!排名不分先後👇🏻👇🏻👇🏻


1⃣ Cadbury Flake Chocolate



Cadbury朱古力你一定有聽過啦,簡直風靡全世界✨。吉百利公司係一間歷史悠久嘅朱古力生產商,絕對有信心保證👍🏻。呢款Flake係小編食過最鐘意嘅吉百利朱古力 😍!Flake 同平時d朱古力口感好唔同,佢係由一層一層整成一粒牛奶朱古力。具體形容,就係好似綿花糖咁☁️,入口即溶!幼滑嘅口感,令人一試難忘! 有趣嘅係曾經有報導過🎥,呢款Flake 朱古力放入微波爐加熱,係唔會令佢溶化,但明明入口即溶😱。想知係咪真,就要買返去做個實驗🔍!




2⃣Red Rock Deli 薯片


有冇薯片控係到💛?一邊食薯片,一邊睇電影,真係好Chill🧖🏻‍♀️。Red Rock Deli 係由一班薯片愛好者一齊研發出嚟🧐,主打天然冇添加嘅薯片、不含人造色素。佢哋主打100%葵花籽油慢煮,大量減少飽和脂肪👏🏼,係咪好吸引先?

基本上每款口味都好熱賣,真係唔伏!今次要推薦嘅口味係蜂蜜醬油雞味🍯,咸中帶點甜,味道十分獨特,比其他牌子嘅Honey Chicken好味。 另外,甜辣椒酸奶油味係Best Seller,兩種口味結合一齊,冇諗過咁夾!佢哋不時都有期間限定口味✨,大家要記得留意超市官網。口感方面,呢個牌子嘅薯片比其他更加硬同厚,不規則厚切形狀令到口感更加豐富,所以食落口會好脆。


呢款連香港都有得買,真係好熱賣嫁!


3⃣Pods 朱古力夾心威化餅 Snickers / Twix / Mars


呢款朱古力威化餅十分特別,一次過食到三個層次 🤩。最外層係好鬆化嘅威化餅,第二層係軟滑嘅朱古力夾心,最入邊嗰層仲有餡㖭,真係有驚喜🥳! 外脆內軟,包你一啖接一啖。

入面嘅餡係大家熟悉嘅朱古力品牌,分別係Snickers,Mars同埋Twix。本身每款朱古力已經好味,Pods 將佢哋重新演繹🪄,結合威化餅昇華到另一個層次。

如果唔鍾意太甜嘅朋友,記得揀Mars,相對會冇其他兩款咁甜嫁⚡️!





4⃣澳洲Timtam朱古力三文治餅


Arnott’s 出品,必屬佳品! 據說嚟澳洲冇食過Tim Tam嘅話,等於冇嚟過😯。Tim Tam 紅遍全球,身處香港嘅 Roodie都可以買嚟食😙。 但係澳洲嘅口味會多過香港,有啲仲係澳洲限定! 圖中兩款口味都可以喺香港超級市場都買得到,分別係 Original 同 Double Coat,佢哋都係最經典同暢銷嘅口味。

另外,小編都試過比較特別嘅口味,例如辣朱古力味、Crazy Shake味、麥蘆卡蜂蜜味等,有啲更加係期間限定 💫!真係唔好錯過!而且每塊都好厚,最外層係脆餅,中層係好Creamy嘅夾心,口感好豐富。


💕💕除咗就咁食之外,原來仲有個隱藏食法👀,就係將Tim Tam當成飲筒。呢個食法好簡單!首先,準備一杯牛奶,再咬開Tim Tam對角,放入牛奶入面當飲管。Tim Tam會軟化得好快,溶化入口腔裡面,食法非常新鮮!大家都可以試吓嫁!


5⃣澳洲國民零食 Sunbites Grain Waves 波浪全麥脆片 Sweet Chilli,Sour Cream味


Grain Waves有兩款口味,Sweet Chill 同 Sour Cream!基本上有半價💸,小編就會掃定一堆放喺屋企嘅零食櫃。無論大人同小朋友都啱食,包你食過返尋味。Grain Waves 主打全麥脆片,使用超過65% 嘅全穀物製成⛏,唔講真係食唔出。 相比起平時用薯仔整成嘅薯片,真係無咁大罪惡感。而且呢款脆片標榜非油炸同比薯片少30%脂肪,就啱哂想減肥健康嘅你😍!


波浪形切法令到個口感更加有層次💓,每一塊都沾有味粉,真係每一啖都好濃味。每塊脆皮都好厚,食落去脆卜卜!小編鍾意Sweet Chilli味多啲,佢一啲都唔辣,仲有少少似泰式辣醬。而大眾一般都鐘意Sour Cream,佢係微酸中帶咸,味道十分特別!大家可以根據自己嘅口味選擇🥰。



Photos: Coles


記得follow/share我地Instagram同Facebook!

FB:https://www.facebook.com/KongarooHK

IG:@kongaroo_au

275 次查看0 則留言
Black on Transparent.png