photo-of-lighted-city-buildings-during-n

【學生會介紹】Monash Caulfield HKSA


今次Kongaroo會為大家介紹一個喺墨爾本嘅學生會 - Monash Caulfield HKSA。早前我哋為咗深入了解佢哋,仲專程做咗個訪問𠻹!嚟緊會去墨爾本讀書嘅Roodies都可以率先過嚟認識一吓同鄉先啊~ 咁到時開學做freshmen都可以淡定啲啦!


唔知大家知唔知,其實Monash Univeristy嘅HKSA擁有30年歷史㗎!Monash Univeristy喺墨爾本係有三大campus,包括Caulfield、Clayton同埋Peninsula,而今次Kongaroo嘅project就係同base喺Caulfield嘅HKSA合作啦!


Monash今屆嘅Caulfield HKSA係由6位主幹成員,亦都係稱為6大,包括主席、副主席、文書、財政總監、活動總監同宣傳總監組成。想知道佢哋點樣喺疫情下繼續運作,同埋佢哋搞HKSA嘅一啲分享同經歷,就要繼續睇落去啦!


唔好睇佢哋而家搞活動好似好順利咁,其實佢哋接任上莊嘅時候都遇到啲困難㗎!


Kongaroo: “你哋六位主幹成員係點樣組成㗎?會唔會有啲小故事可以同我哋分享?”

Monash HKSA副主席就表示: “其實接莊遇到最大嘅問題就係人手,因為要升任6大最少都要喺HKSA活躍參加過活動,有啲經驗。但上一年有唔少HKSA嘅活躍分子畢業,令到大家都驚冇人去接莊。但就係呢個時候我同主席都一齊企咗出嚟,話想lead個HKSA,一齊合作搞好HKSA!”


雖然佢哋大多都冇做過6大嘅位,但佢哋上年都係HKSA嘅committee,都有搞event嘅經驗。除此之外,佢哋今年嘅文書其實上年都有做6大嘅職位,仲係副主席添!熟悉HKSA運作嘅佢就可以為今屆指下路啦!加埋3位總監係做佢哋擅長嘅範疇,而且又有心,真係為HKSA帶嚟好多貢獻㗎!


Kongaroo: “今年因為疫情嘅關係,對留學生嚟講真係一個好大嘅困難,尤其係year 1嘅同學,喺識朋友方面更加係難上加難。究竟Monash HKSA會點樣幫助一班同學仔?”

主席就話: “今年更加希望連繫喺Monash讀書嘅香港人,幫大家喺呢段困難嘅時間,搞啲活動俾大家識朋友同放鬆吓。最緊要係佢哋想鞏固Monash嘅香港人community,令喺Monash讀書嘅香港人有一份歸屬感,呢個理念同我哋Kongaroo都好似呀!”


小編都好想知Monash HKSA具體點樣可以喺疫情其間連繫分隔兩地嘅香港學生,所以向佢哋了解下,原來佢啱啱上莊已經搞咗兩次zoom活動啦!

副主席就補充話:

“主要都係分組玩遊戲好似狼人殺同誰是卧底等等,同時利用分組活動俾同學更容易啲去識人。第一次嘅zoom活動就好似一個orientation咁,除咗玩遊戲,仲有關於澳洲小知識嘅trivia,俾year 1同學知道更多澳洲日常生活,嗰次活動都有差唔多100人參與㗎!”


其次,因為墨爾本放寬,佢哋都gather咗留咗喺墨爾本嘅香港學生,一齊出嚟食飯。佢哋6大都表示,希望香港疫情快啲好,佢哋就可以都喺香港搞活動,約大家出嚟玩,好似去party room搞gathering咁。雖然而家主要都係搞zoom活動,好似Games Night、Movie Night同online talk咁,但如果墨爾本一路放寬,佢哋都希望搞啲户外活動好似Sports、行山同燒嘢食咁㗎,所以記得密切留意住佢哋嘅動向啦!


最後,Monash HKSA嘅6大都好想同各位留學生講翻聲加油!

主席就話: “知道大家呢段時間,尤其係year 1學生同埋翻唔到去墨爾本嘅同學仔,未必體驗到真正嘅留學生活,但我哋都會盡力搞多啲唔同嘅活動,為大家增加識朋友嘅機會”。 同時,佢哋都鼓勵year 1同學參加多啲活動,同埋有咩都可以搵HKSA,大家都會以過來人嘅身份盡量解答你嘅問題,亦都好歡迎其他國家嘅學生join佢哋嘅活動,更加容易去認識香港文化㗎!

94 次查看0 則留言
Black on Transparent.png