photo-of-lighted-city-buildings-during-n

港人在澳五年簽證正式生效 485畢業簽證雞精班

已更新:2021年1月7日



澳洲總理Morrison同署理移民部長係上個月9號公布為所有合資格嘅港人,當中包括香港留學生,畢業生同技術勞工提供避風港 - 自動延長簽證五年,為合資格嘅港人提供申請永居途徑!呢個《(香港護照持有人) 移民條例修訂》文件已經係今個星期五 (Aug 21) 正式生效喇 (俾啲掌聲唔該👏)!



呢個新政策嘅落實意味住多達一萬名係澳洲嘅香港簽證持有人可直接受惠,另外仲有4千名境外以及正在申請嘅港人可以獲得5年簽證!😎 值得注意嘅係今次嘅新政策亦同時受惠申請人嘅直系親屬,亦即係當主申請人獲得5年延長簽證之後,副申請人就可以遞交申請文件。而且對副申請人無任何護照類別嘅要求,只要係合符資格就可以同時獲得5年簽證,但簽證到期日就係同主申請人一樣。


各位Roodies要留意☝️政府係聲明入面指出必須持有香港特區護照先合資格延長5年簽證。如果Roodies你只係持有BNO而冇香港passport嘅話,就唔會獲得同等資格!✂️ 下面一圖會解釋新政策下各類簽證安排:



由於每個合資格嘅港人所持有嘅簽證都唔同,所以會直接影響到5年簽證嘅有限期(即係簽證到期日)。想知道自己嘅簽證係幾時到期,就可以去政府網站到睇 📆!


對於想利用5年延簽嚟申請移民嘅Roodies,除咗需要合符相關資格,例如健康,品格,工作要求外,選擇係咩州份同地區居住,返工同讀書都會直接影響到申請永居既時間!事關如果你係偏遠地區讀書同工作嘅話,只需持有簽證3年就可以申請永居,但如果係大城市 (e.g. 悉尼/墨爾本)就需要5年完哂先可以申請。💁‍♀️



小編強烈建議即將完成大學課程嘅Roodies無論如何都要申請咗485臨時畢業生簽證先👩‍💻👨‍💻🧑‍💻,因為呢個簽證只可以係你得到大學學位之後嘅半年內申請 (以完成信嘅日期為準,並唔係畢業禮嗰日),錯過左就冇!☝️仲有一點要記住,485簽證係一世人只可以申請一次,就算你完成簽證之後再讀多2年都唔可以再申請!⚠️ 


申請485簽證前都需要準備一系列嘅文件,包括:👇

  1. 良民證

  2. Ielts成績(overall有6,細項唔低過5,而且係最近3年內取得)

  3. 已經繳費嘅健康保險收據,但無需繳交5年保險費用 (485嘅保險同學生保險唔同架📌)

  4. 護照相及護照影印本

  5. 大學畢業成績、完成信及畢業證書



而身體檢查就唔需要提前去做,因為遞交申請而又文件齊全,移民局就會出信俾你去指定診所預約體檢🤙!


另外申請時要考慮會唔會係485簽證到手前會離開澳洲,因為佢嘅過橋簽證(Bridging Visa)都有分2類:Bridging A 同Briding B 📃 前者係獲得485簽證前都唔可以離開澳洲,而後者係如果有突發事情發生就准許離開。當然價錢都有分別,申請Bridging B嘅Roodies需要額外交多155澳紙嘅申請費,但一般情況下485簽證嘅申請人都係會俾Bridging A你!


🟡 小編溫提:好多正考慮緊過澳洲讀degree嘅Roodies想讀完申請485簽證嘅話,一定要記住讀2年或以上嘅課程先合資格申請,因為某部份嘅master課程只係為期1年至1年半,咁就冇資格申請啦!📚 


如果Roodies想重溫其他相關嘅澳洲Visa申請注意事項⚠️,就可以去返我哋嘅澳洲五年visa移民鋪路全攻略到睇返!✅



記得Follow/Share我哋 Facebook 同 Instagram!!!

FB: https://www.facebook.com/KongarooHK

IG: @kongaroo_au



References:


《(香港護照持有人) 移民條例修訂》文件生效聲明

https://minister.homeaffairs.gov.au/alantudge/Pages/new-visa-arrangements-for-hong-kong-passport-holders-now-in-effect.aspx


查閱簽證到期日政府文件

https://www.legislation.gov.au/Details/F2020L01047?fbclid=IwAR0kfgJHami0tKbZWELPt_0O8qXSxyQcXTW_9JHVPqHp_y3X5Zw7YaazGr8


過橋簽證B申請注意事項

https://immi.homeaffairs.gov.au/visas/getting-a-visa/visa-listing/bridging-visa-b-020

1,617 次查看0 則留言
Black on Transparent.png