photo-of-lighted-city-buildings-during-n

澳洲打工仔搵錢系列👷🏻‍♂️3個必備證書📃

已更新:2021年2月19日


初嚟澳洲報到,唔少Roodies都想搵一份兼職工作幫補吓生活費💰,除咗減輕屋企人嘅負擔之外,仲可以充實課餘時間⏰。除咗嚟讀書嘅Roodies,亦有啲係想之後嚟澳洲Working Holiday,但係未有諗法做咩好?就等小編出馬為大家出謀獻策 — 就係考證書📃啦!


考證書唔單止可以學多項技能旁身🔧,而且仲大大增加喺澳洲搵到工作嘅機會💼,更加畀你體驗到澳洲嘅生活☀️。今日小編就推薦喺澳洲3個必考證書📃比Roodies啦!



1️⃣🍷RSA酒證(Responsible Service of Alcohol)


負責酒精服務🍷。酒類服務責任證/酒牌嘅責任服務酒證並唔係調酒知識,而係認識酒嘅危險性☠️,以及相關安全知識嘅證書⛑️。只要有呢張證書就可以比較容易拎到喺酒吧🥂、餐廳🥡、酒店🏨及櫃檯等等嘅工作機會。甚至係同酒精無關嘅廚房侍應都需要RSA,總之只要有賣酒嘅合法公司都需要有職員持有 RSA㗎!


RSA證書費用💰?


費用喺AU$39到AU$136之間不等,具體取決於你所報讀嘅課程同完成嘅州份。本來除咗VIC以外嘅所有州,可以在線完成RSA。但由於疫情影響下,VIC賭博和酒類監管委員會已授權一啲公司提供網上虛擬課程。 以下係完成RSA所需嘅費用:



點樣攞到RSA酒證書📃?


你可以報讀喺專門培訓中心嘅Face-to-face課程,亦都可以選擇online課程🖥️進行。


小編建議Roodies報讀Online課程🖥️,因為價錢相對較平。而且RSA online course🖥️係可以自定進度,所以你可以根據個人需要隨時休息。完成課程後,你可以直接下載證書📃。但提提Roodies要成功完成測試,你都需要花時間閱讀所有教材同教學影片㗎!


⚠️注意:澳洲每個州對RSA培訓都有相應嘅要求。如果你想喺澳洲多個州份工作,就有可能需要考多個所屬州份嘅RSA證書啦!


2️⃣☕澳洲咖啡師證書課程

澳洲人熱愛咖啡☕嘅程度相當高!你幾乎可以喺每個城市嘅大街小巷都搵到咖啡店嘅足跡👣,只要你喺街慢步,偶爾都會聞到飄散空氣之中嘅咖啡香♨️,每行一陣都總會見到有一間coffee shop喺你左右。咖啡對於澳洲人係一種精神,所以對咖啡師嘅需求都十分大。小編建議Roodies不妨可以報讀澳洲咖啡師證書課程,唔單止可以增加自己一技之長💪,仲可以體驗一吓澳洲濃厚嘅咖啡文化☕。


咖啡師課程費用💰?


咖啡師課程主要都係落手落腳去學習點樣沖咖啡,所以並無任何online course提供。一般而言,你係需要參加一個為期一至三日嘅小組課程,具體內容取決於你所報讀嘅機構。課程嘅價格大約係💰AU$150至AU$350之間。不論你喺VIC定喺QLD考取咖啡師證書都唔緊要,因為澳洲嘅咖啡師課程係全國認可✅!

澳洲咖啡師證書有咩學🔍?

喺咖啡師課程☕入面,你需要學習咖啡嘅起源同歷史、點樣操作、清潔同維護咖啡機,點樣以各種唔同嘅方式準備咖啡,以及花同心形嘅咖啡拉花等等。例如喺Melbourne嘅Roodies,小編建議你可以喺RSA Melbourne報讀咖啡師培訓課程☕。

RSA Melbourne提供兩種類型嘅咖啡師課程☕;


📌基礎課程

  • 如何填壓咖啡

  • 調整、清潔同維護咖啡機器

  • 控制牛奶質感

  • 沖各種咖啡


📌大師班

  • 基礎課程提供嘅所有內容

  • 調整、清潔同維護咖啡機器

  • 拉花

  • 食品處理規範

  • 沖各種咖啡


3️⃣👷工地安全卡 (澳洲工地白卡)


澳洲建築行業發展蓬勃,周圍都會見到有工地,所以澳洲對建築工人👷嘅需求都十分之高。雖然地盤工作辛苦都眾所周知,但係澳洲藍領工資💰都相對較高。如果Roodies有意搵多D錢又唔介意體力勞動,考澳洲工地安全牌白卡證書絕對可以幫補唔少生活費💰!


咩係澳洲工地白卡🔍?


喺澳洲,根據法律規管,所有喺建築行業工作嘅人👷必須持有澳洲工地白卡。培訓旨在為工人👷提供有關安全工作知識📝、風險管理、人身安全保護、安全標誌、安全設備⛑️,以及工作場地傷害管理同工人權益等等信息。


澳洲工地白卡培訓係針對所有將會喺建築行業工作嘅工人,包括:


  • 自僱人士(在其澳洲商業登記號(ABN)下工作)

  • 地盤工人

  • 學員/學徒

  • 技工


👍點樣取得澳洲工地白卡?


不論你喺邊個澳洲州份考取澳洲工地白卡都唔緊要,因為澳洲工地白卡係有全國認受性。由於疫情嘅關係,各位Roodies可以報名參加各個州嘅白卡線上課程,係屋企就可以輕輕鬆鬆拎到張白卡啦。 比起要親身上堂更加方便同埋平,而且線上課程都係受認證,有興趣嘅Roodies可以把握呢段時間考返張傍身!


當然每個州/地區都有唔同白卡嘅特定政策同信息,大家記得喺報名之前要查詢清楚相關地區嘅詳細信息,特別要注意以下州/地區:


  • QLD:白卡線上課程有效期至2021年3月7號

  • NSW:白卡線上課程只限於疫情期間提供

  • SA:培訓必須喺課堂上完成,在線培訓不適用

  • ACT:培訓必須喺課堂上完成,在線培訓不適用

  • NT:培訓必須喺課堂上完成,在線培訓不適用


澳洲工地白卡嘅課程費用💰


費用喺AU$40到AU$150之間不等,具體取決於你所報讀嘅課程同完成課程嘅州份。 以下係取得澳洲工地白卡所需費用嘅例子🔍:





1,353 次查看0 則留言
Black on Transparent.png