photo-of-lighted-city-buildings-during-n

🎥【香港電影週】四部香港大作同步上映!內文有戲票Giveaway!


京華戲院今個九月有新搞作推出【香港電影週】,將會連續三個weekends限定上映四套香港大作!😍 每個人都有一個夢想,或者有一個電影夢🎬。喺香港,呢一個夢成功令到好多天才創作人創造出好多響喻國際嘅香港電影🇭🇰,成為華語電影嘅先驅,更贏得”東方荷里活” 嘅美譽。🫡 由今日開始京華戲院將會定期舉行香港電影,俗稱港產片嘅欣賞週,為觀眾揀選一啲有代表性嘅港產片,令大家有機會重溫或者體驗香港人嘅夢想和生活!❤️


第一輪嘅影片將會包括:熱血激昂嘅《一秒拳王》;寫實觸動人心嘅《濁水漂流》;最強火拼嘅《怒火》;同埋傳奇經典再現嘅《梅艷芳》😎 呢四套戲都獲得2022年🇭🇰香港金像獎同金馬獎多項提名同獎項,曾經睇過嘅戲迷快啲買飛一齊細味重溫,而未睇過嘅Roodies更加唔可以錯過!🙌




京華戲院知大家都好有興趣,所以同時推出香港電影欣賞週嘅特別優惠套票,已經喺官方網站到有得買預售啦!😍 講咗咁耐當然唔少得Kongaroo同京華戲院嘅Giveaway啦! 🎁又到送戲飛俾各位Roodies嘅時候啦!


【香港電影週】


1️⃣ 一秒拳王ONE SECOND CHAMPION

9月2日 - 9月18日

粵語對白 中英文字幕


《救僵清道夫》班底熱血力作,💯原創故事!2020年上映個陣仲衝破咗千萬票房,真係必睇嘅港產片之一!🇭🇰 未睇過呢套戲嘅Roodies可能唔知呢套戲成為咗「香港亞洲電影節」閉幕電影,而且仲秒速售罄😱,可以話係一票難求,壓軸本地熱血力作《一秒拳王》!由《救僵清道夫》賣座班底炮製,原創故事原來係嚟自導演趙善恆(ToNick 主音恆仔)靈感。 由最佳男主角周國賢同《天才槍手》泰國男神查朗桑提納托古一齊主演,壓軸激戰!🥰 拳拳到肉打到爆缸,林明禎、趙善恆、盧海鵬、袁富華、張建聲同天才童星熊倬樂一齊攜手演出。一秒雖然好短,但就可以創造出宇宙!如果你可以預知一秒之後嘅未來,你又會改變咩呢?🤔


2️⃣ 濁水漂流DRIFTING

9月2日 - 9月18日

粵語對白 中英文字幕



呢套簡直算係心靈雞湯之作!🥹 喺《翠絲》導演李駿碩嘅新作,由金馬影帝影后吳鎮宇,謝君豪同李麗珍主演!😎故事係描繪露宿者漂流嘅命運同絕望嘅生存狀態,每個畫面都帶出到主角點樣捍衛心目中嘅「家」🏡。係一套非常有深度嘅作品,故事好寫實咁刻劃露宿者「生活以下,生存之上」咁喺城市漂流。🎭


故事係講無家可歸嘅輝哥(吳鎮宇 飾演)啱晒出獄,就返到去烏煙瘴氣嘅深水埗街角,同越南難民老爺(謝君豪 飾演)、洗碗工陳妹(李麗珍 飾演)、毒癮極深嘅大勝(朱柏康 飾演)、半身不遂嘅阿蘭(寶珮如 飾演)等街友們再次重遇。啱啱先回歸露宿者嘅生活,點知個晚就遇到食環署人員突擊洗地同清潔環境🧹🧹。喺冇通知嘅情況下,完全冇理露宿者意願就咁扔哂佢哋嘅家當。😠憤怒嘅輝哥就同警察當街起衝突,但亦都拎唔返自己嘅嘢。🥺呢一班家當盡失嘅街友喺啱啱畢業嘅社工何姑娘(蔡思韻 飾演)嘅幫助之下,大家決定同政府打官司,唔單止要申請索償,仲要求政府道歉。


失去木屋居所嘅輝哥同街友們喺另覓居所嘅時候,識咗個口齒唔清嘅年輕街友木仔(柯煒林 飾演)。輝哥將自己對死咗嘅仔嘅情感投放咗係佢身上,仲邀請木仔加入佢哋,一班人就咁合力搭建小木屋相依為命。👨‍👩‍👧‍👦 但天橋底下始終都係個龍蛇混雜嘅地方,同政府嘅官司啱啱先睇到一絲曙光,但無情嘅命運又再嚟過🥹。街友們看似平靜又透明嘅生活再次被打破,大家被迫四散。喺公義同賠償嚟臨之前,又有幾多街友可以捱過寒冬?❄️❄️


3️⃣ 怒火RAGING FIRE

9月2日 - 9月18日

粵語對白 中英文字幕


由陳木勝執導同監製嘅最後作品,甄子丹擔任監製同動作導演👊!甄子丹同謝霆鋒主演,一個係槍林彈雨中衝鋒陷陣,而另一個就揸槍帶領悍匪街頭駁火。公道不在人心,是非只在時勢

嘅情況下,大戰一觸即發。🔥


故事係講緊重案組佈網圍剿國際毒梟,突然殺出一班蒙面悍匪“黑食黑”,仲癲到屠殺成班警察。👮‍♀️👮 重案組督察張崇邦(甄子丹 飾)親眼睇到戰友被人殺,於是決定深入追查發現悍匪首領竟然係昔日戰友邱剛敖(謝霆鋒 飾)。原來敖都係曾經係警隊明日之星,但將敖推向罪惡深淵嘅人原來就係邦。😨宿命令兩個人再次糾纏,一切恩怨張崇邦究竟點樣作出了斷……🤔


4️⃣ 梅艷芳ANITA

9月2日 - 9月18日

粵語對白 中英文字幕


芳華今猶在,似是故人來。🇭🇰《梅艷芳》呢套戲完美呈現七、八十年代老香港嘅唔同場景,種種情懷,幾許風光都再次呈現係觀眾眼前。😎由新人王丹妮主演,感動還原梅姐傳奇一生。活生生演活梅姐一生高潮迭起同生離死別各個畫面。🥹就算唔係嗰個時代嘅我哋都可以緬懷呢位一代舞台女王🫅!


「留下只有思念,一串串永遠纏。」梅艷芳經典歌曲【似水流年】入面嘅歌詞完全講出咗我哋對梅艷芳嘅思念。 2003年,一代巨星殞落,梅艷芳離開咗我哋。四歲就係荔園登台做小歌手,唱到成為風靡亞洲嘅舞台女王!🔥梅姐短短40載人生,當中經歷幾多艱辛,付出幾多犧牲?


星光背後,佢嘅感情生活,她對工作嘅熱愛,對朋友以至對香港嘅情義,亦都成就咗佢係「香港嘅女兒」無可取代嘅地位。為咗實現梅姐留低一部傳世電影嘅遺願,金像團隊籌備7年製作出《梅艷芳》,將佢傳奇嘅一生,重新呈現係歌影迷眼前!❤️


【上映時間 / 預售】

http://www.movie.chinatowncinema.com.au/


小知識🔍📘京華戲院Chinatown Cinema由1971年開幕至今,係現今全球唯一一間喺西方國家嘅華人戲院,總放映場次仲超過10萬場。位於墨爾本唐人街中心,會放映最新最賣座華語同其他亞洲電影,而且係唯一一間戲院設有中文字幕,絕對唔怕聽唔明🤩。


↓ ↓ ↓ ↓ ↓ ↓ ↓ ↓ ↓ ↓


一直以嚟支持Kongaroo 嘅Roodies 有福啦🥰!!我哋同京華戲院合作推出Giveaway 遊戲!而獎品就一共送出8張戲飛!

————————————————————

🌟京華戲院戲飛大贈送 Giveaway 詳情🌟

⏰遊戲日期:帖文發佈起至9月3日23:59 (墨爾本時間)

🎁獎品:8張戲飛 (一共會揀出4位得獎者,再按得獎者意願揀想睇嘅電影!)


遊戲玩法:

1)Follow Kongaroo 香港袋鼠台Instagram(@Kongaroo_hk)京華戲院 Chinatown Cinema (@hoovercinema) Facebook Page

2)在此帖留言tag 3位你想一齊睇戲飛嘅朋友

3)隨機抽出4位得獎者去獲得🎁獎品。


條款及細則:

1)參加者必須Follow 指定Social Media Page。

2)每個帳戶只能參加一次,兩次或以上之帳號將會被取消資格。

3)結果將於2022年9月4號於留言區宣佈及以Private Message 通知得獎者。

4)是次活動所有送出之禮物不能兌換現金或其他禮品。Facebook 及Instagram一共有4位得獎者。

5)參加者屬自願性質參加是次活動,一切因是次活動所構成之責任與Kongaroo及京華戲院無關,Kongaroo及京華戲院將免除一切法律責任及賠償。

6)如有任何爭議,Kongaroo及京華戲院保留最終解釋及決定權而毋須另行通知。

7)此活動只限位於澳洲墨爾本的京華戲院。

————————————————————


(資料由京華戲院提供)


更多電影資訊及上映詳情請瀏覽(每個禮拜四更新)

Website: www.movie.chinatowncinema.com.au

營業時間: 當日首場電影放映前一個鐘, 尾場放映後十五分鍾

查詢電話: (03) 9662 3465

地址: 墨爾本京華商場一樓【京華戲院】Chinatown Cinema, L1 Midcity Centre, 200 Bourke Street, Melbourne VIC 3000


記得Follow/Share我哋 Facebook 同 Instagram!!!

FB: https://www.facebook.com/KongarooHK

IG: @kongaroo_au

FOOD IG: @kongaroo_food

26 次查看1 則留言
Black on Transparent.png