Kongaroo_Media
- 2020年9月15日
- 讀畢需時 2 分鐘

【元氣大傷】澳洲經濟近30年來首次經濟大蕭條

疫情令澳洲陷入經濟危機，喺澳洲近30年來首次進入經濟大蕭條😷。

新冠肺炎肆虐全球各國，疫情影響衝擊全球經濟，澳洲亦同樣無可避免地大受打擊。最近，澳洲財政部長Josh Frydenberg表示：今年會喺澳洲29年來首次嘅經濟負增長。📉 數據指出第二季度GDP下降左7%，喺有史以來最大跌幅。除此之外，澳洲失業率亦都持續攀升。喺7月尾，即喺維多利亞州準備二次封城嘅時候，失業率達至7.5%，若果包括埋 Part-time 及 Causal work 人士，失業率更高達 11.3%，創近20年來嘅新高，有多達100萬人失業😱。Frydenberg更表示：到今年 9 月底，澳洲嘅失業率可能將攀升至 13% 以上。亦即喺每10個人就有一個因為疫情失去工作... 隨著維州遭受疫情衝擊，墨爾本封城有近 500 萬人被禁足，因此9月失業人數預計會再增加45萬人。😩 而維州經濟幾乎佔據全澳 1/4 GDP總值，所以澳洲經濟要全面復甦，有一定程度上取決於維州嘅疫情趨勢。

除咗澳洲失業率上升之外，今年澳洲食品嘅價格都出現咗不同程度嘅上升，導致家庭生活支出增加，唔少仍然處於疫區中嘅維州家庭就更加係雪上加霜😢。VicHealth團隊調查指出，目前大約有1/4嘅受訪家庭被迫購買最平價嘅低營養食品嚟平衡家庭開支。喺2000個受訪者當中，低收入家庭同單親家庭表示會為咗開源節流而傾向購買不健康食品，更有部份家庭指出︰「有時需要少食幾餐先平衡到開支」。VicHealth行政總裁Sandro Demaio表示擔心呢個問題會嚴重影響小孩健康，促請政府同外界去支援有需要家庭，令到佢哋能夠得到足夠健康所需嘅食品。