最近澳洲嘅生果都貴咗唔少，更加有專家表示嚟緊嘅價錢仲有可能飆升多60%𠻹！😨 究竟生果同working holiday有咩關係？原來係因為今年受疫情影響，澳洲流失咗接近71,000名採摘工人，而正正呢啲採摘工人大部分都係由working holiday嘅backpackers擔任嘅。遇著COVID-19，而部分backpackers嘅簽證又喺早排到期嘅話，都被逼飛晒返去自己家鄉。再加上澳洲封國，有簽證嘅backpackers想嚟working holiday根本都無辦法入境。其實呢類backpackers係稱之為foreign workers，係農業工作者入面佔咗80%以上。今次疫情就導致咗50,000個有關農業界嘅工作崗位空缺，而呢個人力短缺就令到生果價格出現大幅上漲喇 🍎🍓🍒🍇🥑。
澳洲農民聯合會（National Farmer Federation，簡稱：NFF）為咗解決呢個現象，決定向聯邦政府申請working holiday特殊豁免，希望政府能夠為想嚟澳洲working holiday嘅backpackers 開個綠燈，俾佢哋入境去幫助澳洲解決採摘工人短缺嘅問題。😉👍
NFF嘅具體提議內容如下：
「為150名想嚟working holiday嘅backpackers發放旅行豁免，最快俾佢哋喺今年十月就可以入境澳洲。」
當然考慮到而家澳洲疫情嘅關係，NFF表示會盡量搵backpackers係嚟自疫情風險比較低嘅國家或地區，而獲選中嘅backpackers喺到達澳洲之後，NFF都會幫佢哋解決隔離住宿等相關問題。😍
聽落好似好吸引，但其實諗深一層，點解澳洲唔搵返當地人去填補呢啲職位空缺呢？再加上根據資料顯示，今年澳洲嘅失業率飆升至10%，更創下咗自1994年以嚟嘅歷史最高記錄！失業率咁高，農業界又有接近過萬嘅職位空缺，但係失業嘅澳洲人都係唔願意去偏遠地區嘅農場返工。不過都合理嘅，去得working holiday，個個都知係辛苦工，唔通個個都想去捱咩。其實working holiday都不外乎係希望可以多個生活體驗或者俾多個機會自己為移民鋪路 🙌。
而家全澳洲都面臨住農業勞動力嚴重短缺嘅問題，因為冇人開工，大量嘅農作物都冇人幫手收割或者處理，造成大量浪費。NFF希望聯邦政府能夠重視呢個問題，盡快落實豁免150名想嚟working holiday嘅朋友，俾佢哋最快可以喺今年十月入境澳洲。亦都希望澳洲人經過今次呢件事之後，可以提高返對foreign workers嘅待遇，唔會再發生一啲外籍農場工被剝削事件。
如果你想成為十月份首批進入澳洲working holiday嘅人，Roodies就要而家即刻準備好所需文件申請啦☝️！由於受到疫情影響，簽證申請可能會需要比過往更長嘅時間處理! 下面一圖就簡而精地整合左澳洲工作假期簽證嘅注意事項⚠️
香港指定診所有兩間，位置都方便易去，大家可以參考下面地址！
記得Follow/Share我哋 Facebook 同 Instagram!!!
IG:@kongaroo_au
References:
Migration Alliance - 澳洲農民聯合會歡迎相關海外工作者延長簽證
ABC News - 澳洲疫情下失業率上升 農民仍恐工人短缺
工作假期簽證(subclass 417)
