Kongaroo_Media
- 2022年2月21日
- 已讀 5 分鐘

🇦🇺澳洲傳媒(Communication & Media)專業，由選校到就業移民全分析

根據最新出爐嘅2021 QS世界大學學科🔥——傳媒與媒體研究（Communications & Media Studies）排名顯示，澳洲一共有8間大學進入top100🔝，其中4間大學躋身世界50強。澳洲大學嘅傳媒專業可以話喺全世界係數一數二嘅，聽返唔少僱主嘅滿意度都好高。😏

📣相信唔少Roodies都有考慮喺澳洲讀返個學位，但澳洲出名嘅學科多到數唔晒🏫，你又有邊一科想深入了解下呢？今日首先同大家介紹下傳媒專業⏩！想知更多就繼續睇落去啦👀！

乜嘢係傳媒（Communications & media）📰？

傳媒專業係一個大專業類別，旗下有好多唔同分類方向，最基礎嘅就係有以下兩個方面：

1. 新聞學（Journalism）著重於傳遞新聞報導📰、製作、及傳播嘅方式同技巧。呢啲專業知識同技能包括咗寫作能力✍🏻、調查採訪🔎、新聞廣播、新聞攝影📷等。以後可以喺新聞業、各大報紙、廣播電台同出版社工作📰，都可以從事廣告、公關、出版等工作。

2. 大眾傳媒（Communications & media）就著重於通訊交流📱、大眾傳播媒體、新舊媒體等嘅運用。專業知識除咗寫作、播報能力，仲涉及到公關、品牌管理、行銷、網路設計等。大多數企業嘅公關都係嚟自呢個專業，唔係淨係媒體類企業⏩。

除咗呢兩個分類，仲有行銷廣告、媒體發佈、數碼媒體、公關等等，但都離唔開以上兩個大方向嘅基礎知識✨。

無論你以後係想成為一個出色嘅記者，定係一名優秀嘅公關，再唔係想帶領你嘅團隊打造一個具有影響力嘅品牌，幫公司創造價值。又或者喺呢個人人都係自媒體嘅時代，想創業成為一名內容創作者，YouTuber等✨。以上所有必備嘅技能同質素都會喺課程到學到！

https://www.topuniversities.com/university-rankings/university-subject-rankings/2021/communication-media-studies

就業前景💼

根據Job Outlook網站顯示，廣告、公關、行銷嘅職業，喺未來仲會有大量需求；而對於新聞📰方向嘅人才，亦都一直被需要嘅。喺AI時代，好多職業都面臨被取代嘅風險，而傳媒係一個要求人與人溝通交流👥、批評性思維、對資訊具有敏銳度嘅職業。所以，呢個職業都未咁快被取代！

薪金方面：相對於全行業平均💰週薪AUD$1230嘅標準，記者、編輯一星期大約有💰$1521薪金，而公關一星期大約有💰$1858嘅薪金！👏🏻

有考慮移民嘅Roodies喺讀完兩年課程後，可以申請485畢業生工作簽證，通過「Hong Kong Stream港人通道」申請永居。興趣、工作、移民，一次過滿足你三個願望！

學校&專業推薦🏫

澳洲傳媒碩士有個比較明顯嘅特點：好多兩年制傳媒碩士係唔需要大學相關背景！😍（除咗新南威爾士大學嘅傳媒專業需要大學有文科或社科底之外）只要可以滿足各大學成績要求同英語能力要求📑，就可以入讀傳媒系啦！

墨爾本大學（QS 28）

MEL U嘅傳媒專業喺而家嘅QS世界排名中佔據了澳洲第一同埋全世界第28嘅好成績🏷️。王牌專業行銷傳播碩士（Master of Marketing Communications）係由佢嘅人文學院同商學院嘅專家授課💡！課程主要提升學生市場行銷同交流技巧等方面嘅能力，同時也涉獵例如廣告、媒體宣傳策略等方面🌟。

📑 碩士專業其中有包括：

👉Master of Global Media Communication 全球媒體傳播

🧷致力於喺新聞、廣播、數碼傳媒等方面建立同培養學生寫作同創作嘅技巧同能力。

📕入學要求：大學成績80%，雅思成績唔低過6.5（單科唔低過6分）

👉Master of Marketing Communications 行銷傳播

🧷MEL U 最好嘅傳媒專業。人文學院和商學院專家都有份授課！

📕入學要求：大學成績80%，雅思成績唔低過6.5（單科唔低過6分）

👉Master of Journalism 新聞學

🧷佢嘅課程唔單止有幫助你提升基礎新聞尋找嘅能力，仲會培養溝通能力。而且會有最新媒體嘅應用教學添。🔎

📕入學要求：大學成績70%，雅思成績唔低過7（寫作唔低過7，其他唔低過6）

對於有專業背景同相關工作經驗嘅同學就可以選擇申請一年半嘅Program，相對地可以減少一啲基礎類課程✴️。

悉尼大學（QS 32）

悉尼大學嘅傳媒課程就未有最突出嘅學科，但好似新聞、網路、電視廣播、數碼廣告等等學科都唔錯。畢竟悉尼大學嘅文學院綜合排名係澳洲第一*️⃣；而且佢嘅傳媒碩士都需要學一個實用性很強嘅課程——數碼傳媒，對於之後就業累積咗一定嘅優勢。

👉Master of Media Practice 實踐媒體

🧷如果無專業知識背景又對傳媒興趣好大嘅話，實踐媒體係一個好唔錯嘅選擇。因為通過基礎課程嘅學習，你可以擁有比較全面嘅知識！

📕入學要求：大學成績80%，雅思成績唔低過7（單科唔低過6）；成績唔夠嘅話可以選擇悉尼大學嘅語言課程

👉Master of Digital Communication and Culture 數碼溝通和文化

🧷悉尼大學嘅數碼溝通與文化專業全球排名喺第十五位！佢嘅就業率都係澳洲第一、全世界第四。（QS排名統計）

📕入學要求：大學成績80%，雅思成績唔低過7（單科唔低過6）；成績唔夠嘅話可以選擇悉尼大學嘅語言課程

👉Master of Health Communication 健康產業傳播

🧷作為傳媒專業非常熱門嘅一個分支，健康產業傳播覆蓋嘅範圍非常廣泛，幾乎所有同健康產業相關嘅政府和非政府組織都需要佢嘅back up。所以讀呢科嘅學生唔單止需要傳媒嘅專業知識，同時都要具備健康產業嘅專業知識，係複合型人才！

📕入學要求：相關專業（人文、社科及公眾健康）大學成績80%，雅思成績要求同上。

👉Master of Cross-cultural Communication 跨文化交流

🧷呢科嘅特色在於將語言學、溝通技巧同翻譯學三者融為一齊。一嚟對學生係一個學術上嘅挑戰；二嚟都為學生喺以後求職提高咗競爭力。

📕入學要求：本科成績80%，雅思成績唔低過7（單科唔低過6）

Monash University 莫納仕大學（QS 59）

Monash嘅傳媒專業偏傳統，但傳統唔代表過時✨！雖然Monash傳媒專業嘅課程難度唔高，但佢嘅專業係呢間大學嘅強項專業之一✨。你可以接觸到傳媒行業各種專業人士，例如電視主播同記者👩‍💼，得獎作家同製作人。而且學校將好多課程都放置係國際背景之下🌎，例如喺每個學期都有好多人選修嘅國際傳播課程（Global Communication）。呢個課程主要講嘅係喺全球背景下嘅交流與傳播，課程內容都緊貼社會熱點同最新時事🌎。

👉Master of Communications and Media Studies傳播與媒體研究

🧷Monash嘅王牌！仲要冇學術背景嘅要求✔️！修讀呢個課程可以幫你建立對改變媒體同交流實踐嘅全球背景嘅理解；對全球通信行業影響重大嘅關鍵資訊嘅理解；關注數碼媒體嘅出現、全球化同跨文化交流水平提高所帶來嘅挑戰。同時有機會喺澳洲同海外有實習機會。💼

📕入學要求：大學成績60%；雅思成績唔低過7（單科唔低過6）

👉Master of Journalism 新聞學

🧷Monash 嘅新聞學碩士課程主要包括三個部分：高級新聞研究基礎；所有相關新聞產業鏈嘅知識課程（比如生產技術、印刷、廣播同網路等相關知識）；同埋一個Advanced Expertise：可以選擇課程研究嘅實習或者進一步研究嘅論文。

📕入學要求：大學成績60%；雅思成績唔低過7（單科唔低過6）

全澳入面其實仲有其他優秀嘅大學及專業，各大學都有唔同嘅入學要求。而且，每年仲會提供俾國際留學生around 10%-20%嘅獎學金！💰 詳情可以聯絡MEA瞭解更多。

（資料由MEA提供）