Kongaroo_Media
- 2020年9月18日
- 讀畢需時 6 分鐘

澳洲八大院校知多啲 (下集) - USYD, UNSW , UQ & ANU

已更新：2021年1月7日

以前講起去外國讀書留學，大家都會第一時間諗起英美兩國。但近年嚟多咗唔少香港人選擇去澳洲讀書，加上兩個月澳洲政府正式落實為香港畢業生延長五年簽證，更加變相喺吸引學生前往澳洲就讀大學。當然地理位置比較靠近香港同埋時差相距較少喺其中一個賣點之外，澳洲都有唔少國際知名嘅大學院校受到學生青睞。👩‍🎓🧑‍🎓👨‍🎓 相信各位Roodies講起香港都會知道三大U，咁你哋又知唔知提到澳洲U就有八大院校聯盟 (Group of Eight) 呢？為咗畀更多想去澳洲讀書嘅Roodies了解澳洲八大嘅背景，今次小編會同大家介紹八大熱門出名嘅學科、全球排名、學校環境同埋學費💰！由於資料太多，所以就分咗上下集畀各位Roodies慢慢了解。💡 想重溫上集嘅Roodies可以 click here 去睇返！🙌

開始介紹前，等小編簡單介紹下八大聯盟係咩🇦🇺👇：

澳洲八大院校聯盟 (Group of Eight - Go8) ，由八間澳洲最頂尖嘅大學組成，而且都係澳洲最為歷史悠久嘅院校。無論教學水平、教師質素、學校環境同學術研究都獲得世界級認可，而且大概七成嘅學術研究文章都係經由八大撰寫！☝️值得留意嘅係八大係全球排名 Top 110嘅大學，所以Go8嘅地位絕非浪得虛名！

事不宜遲，即刻同大家介紹澳洲八大嘅其中四大 - 悉尼大學（USYD)、新南威爾斯大學(UNSW) 、昆士蘭大學 (UQ) 及澳洲國立大學 (ANU)：👇

悉尼大學 (USYD)

USYD係澳洲第一所大學，創立於 1850 年。係澳洲規模最大嘅大學之一，同時都係澳洲Go8嘅成員。USYD 躋身於全球頭 100 名大學，根據QS World University Ranking 2020，USYD係全澳洲Top 3之內。大學擁有非常豐富嘅學術同教學資源，而大學圖書館仲係全澳洲最大，技術、電腦同研究設施亦都係一流。大學平均總學生人數為60,000人，香港學生比例約佔3% - 5%。無論係政府機構定係私營公司，都有好多知名嘅畢業生擔任重要職位。

校區及環境：

大學主校區位於Sydney嘅Camperdown同Darlington，係部份主要學系嘅所在地。現時學校有十個校區，其他八個校區分別係：Cumberland (健康科學系); St James (法學系); Mallett Street (護理學系，語言學校和臨床研究中心); Sydney Conservatorium of Music (音樂學院);

Rozelle (藝術學院); Camden (獸醫系和農業系); Surry Hills (牙醫系); Burren Street (交通運輸與物流學院)。

大學曾被The Daily Telegraph日報評為全球十大最美麗嘅大學，而且一年平均有超過300日可以享受到晴天嘅天氣，因此廣受國際學生歡迎。而且USYD嘅Fisher Library 係南半球最大嘅圖書館，校內亦有超過200個不同類型嘅 Clubs & Societies，仲Gym room、奧運級規格嘅恆溫游泳池、攀石中心、博物館、Cafes、餐廳同Bar。住宿方面，USYD設有3個以新派模式營運嘅學生社區，分別為2019年全新建成嘅Regiment Building、天台可以飽覽悉尼迷人景色嘅Queen Mary Building同埋Abercrombie，另外仲設有8個傳統大學校園內嘅宿舍。收費由每星期AUD 300-700不等。

學系：

總共有9個院系，包括：文科及社會科學系、建築、設計及規劃系、商學院、教育及社工系、工程及資訊科技系、法學院、醫學院、音樂學院、理學系。

出名科目及學費：

新南威爾斯大學 (UNSW)

UNSW創立於1949年，係繼USYD之後第二間公立大學。除咗係Go8嘅成員，亦係國際著名嘅研究型大學聯盟組織 - 環太平洋大學聯盟(APRU)、全球科技大學聯盟(Global Alliance of Technological Universities) 同埋Universitas 21聯盟嘅成員之一。UNSW係2021年QS世界大學排名中第44位，當中土木工程、鑽探工程、心理學、會計、建築、法學等多個領域嘅世界排名都位列世界頭30位。除此之外，UNSW亦係全澳唯數不多有開辦航空學學士課程的嘅大學。全校有5萬多名學生，其中海外學生來自120多個國家，而根據LinkedIn最近嘅一項研究指出，UNSW嘅畢業生更加係僱主嘅首選𠻹！

校區及環境：

主校區位於悉尼嘅Kensington區，距離悉尼市中心約5公里。另有3個校區，包括喺Paddington嘅藝術學院、Kogarah嘅St George & Sutherland Clinical School同埋喺Canberra嘅國防軍事學院。校內設有四個圖書館擁有大量的藏書，收藏超過二百萬冊書籍、地圖及視聽材料等。除咗圖書館，仲有書店、博物館，Coffee shop同埋 Gym room，連日常生活所必需嘅超市、銀行、郵局、print shop同埋診所都可以搵到。UNSW有300個 Clubs & Societies，有部分係需要交會費嘅，另外大學入面有Fitness & Aquatic Centre，同學每月交月費就可以無限次游水同做gym。

學系：

UNSW共有8大學院，包括美術與設計、美術與社會科學、建築環境、商學、工程、法律、醫藥、科學。

出名科目及學費：

昆士蘭大學(The University of Queensland)

昆士蘭大學 The University of Queensland (UQ) 創校於1910 年，係世界領先嘅教學同研究型學府，擁有極高學術成就。UQ有八個研究機構同百幾個研究中心，好多突出嘅研究成果對全球產生巨大影響，包括宮頸癌疫苗加德西(Gardasil)、Triple P項目——Positive Parenting Program、世界領先嘅核磁共振成像（MRI）技術、新疾病HBSL嘅發現，以及將微藻類發展成綠色生物燃料等。

除咗係八大院校聯盟 (Group of Eight) 之外，仲係Universitas 21嘅成員 (Universitas 21，簡稱U21，係一個由全球21間研究型大學所組成嘅大學聯盟。喺《QS University Rankings》2021 年世界大學評分中，UQ 排名全球第46 名。學術方面，UQ 商學院被澳洲管理畢業生協會 (GMAA) 評鑑為滿分五星，更獲得過 AACSB（國際商學院促進協會）同 EQUIS （歐洲質量改善系統）認證。同時農林業、環境科學、心理學、教育學、臨床醫學、應用生物等都係昆士蘭大學達到世界領先水平嘅專業學科。UQ更係傳統體育強校，除咗有全澳最完善嘅體育設施外，仲擁有各式項目嘅體育校隊。其中喺英式橄欖球方面，更為澳洲培育出多位傑出選手，例如：John Eales同John Roe。

校區及環境：

UQ一共有四大校區：St Lucia，Herston，Gatton，Brisbane City。St Lucia為主校區， Herston校區鄰近皇家布里斯班醫院，係醫學院嘅所在地，方便學生進行臨床試驗。而Gatton校區主要係以學習農業、獸醫學、食品科學為主。最後係位於市中心嘅UQ商學院。

另外，UQ嘅校園設備可以話係數一數二，有奧運標準嘅泳館、比賽規模嘅運動場、網球場、gym room、電影院、藝術劇場、畫廊、博物館、音樂廳等等，以及超過200個 societies 可以畀學生參與活動。此外，UQ一直都被評為全澳最靚Campus，令學生嘅讀書生活更加豐富。

學系：

一共有六大學院，提供6000多種課程。當中包括文學院、自然科學院、健康科學及行為科學學院、醫學及生物醫學學院、商學，經濟學及法學院同埋工程學、建築學及資訊科技學院。

出名科目及學費：

澳洲國立大學 (Australian National University)

澳洲國立大學(ANU)創校於1946年，位於澳洲首都坎培拉，係澳洲唯一嘅聯邦政府大學。喺《QS University Rankings》2021中世界排名係澳洲大學中最高嘅，排名全球第31名。ANU係國際研究型大學聯盟 (International Alliance of Research Universities)成員之一，研究水平超卓。澳洲四大國家級研究院就有三座設立係ANU，獲得國家嘅資金支持都比較多，可以睇得出國家對學校科研十分注重。ANU嘅教學同研究水準喺國際上都享有極高聲望，仲曾兩度被澳洲高等教育品質標準署（Tertiary Education Quality and Standards Agency，簡稱TEQSA）評為第一等大學。雖然ANU只有74年歷史，但就培養出好多傑出校友，包括兩任澳洲總理，六位諾貝爾獎得主，其中一位諾貝爾物理學獎得主正係現任嘅ANU校長Brian Schmidt。

校區及環境：

ANU 主校區位在澳洲首都坎培拉的阿克頓（Acton）社區，鄰近坎培拉市中心。ANU校園總面積約150公頃，校園內有銀行、郵局、書店、畫廊、博物館、音樂廳等大量完善設施。ANU 以主校區為主，但喺新南威爾士州同北領地都有其他校區，支持教學同研究。分支校區包括賽丁泉天文台、斯壯羅山天文台、科龍海岸校區、北澳研究單位、臨床醫學院同偏遠鄉村醫學院。

ANU嘅教學非常嚴謹，因為得到嘅國家資金多，所以擁有非常良好嘅學習氛圍。而且學校位於坎培拉，環境相對Sydney / Melbourne 會偏嚴肅同少啲娛樂，想嚟就讀嘅同學要比較習慣悶啲，可以將大部分心思花係學習上。

學系：

一共有七大院系，當中包括人文與社會科學學院、工程與計算機科學學院、商業與經濟學院、亞太學院、醫學與健康學院、理學院同法學院。另外ANU College，提供大學Foundation課程，學生喺ANU College成功完成課程後，就可以直接升讀Bachelor Year 1課程，每年多達90%嘅學生都順利升讀大學學位。

出名科目及學費：