藉住一系列嘅防疫措施，澳洲近日嘅確診數量同埋活躍個案終於都開始逐漸減少，其中澳洲嘅重災區 - 維州。😷 喺過去14日入面（10月9號至22號），平均嘅確診數量只有5.5單，偏遠地區更只得0.3單。👏 有見及此，澳洲總理Scott Morrison透露各州／領地已經同意重啟開放國內邊界計劃，並有望喺今年嘅12月尾就可以達成。✈️ 各州／領地邊界嘅開放日期會取決於各地嘅安排，喺下一次嘅國家內閣會議（11月13號)，各州嘅代表亦可能會討論將計劃提前。📋
早前喺10月中嘅時候，西澳對國內邊界開放計劃就仍有所保留，西澳州長Mark McGowan指出，西澳已經連續六個月冇任何新增個案。👏 加上喺六月底嘅時候，經濟已經恢復到一個正常嘅程度，急於做一個違背健康理由嘅決定並唔係全西澳市民嘅希望，所以西澳唔會急於重啟邊界。Mark McGowan補充，當西澳嘅首席醫療衛生官經審視並標示安全嘅時候，西澳將會考慮邊界開放嘅計劃。🤝 但係喺10月尾嘅時候，Mark McGowan終於對邊界開放計劃嘅態度變得放鬆，決定取消嚴格嘅州際旅行限制（新南威爾士州同維多利亞州除外），自11月14號開始，入境到西澳唔再需要進行隔離檢疫🥳。對於嚟自新州或者維州嘅入境人士就需要喺合適嘅地方接受14日嘅自我隔離，而其餘嘅州份只需喺入境時接受健康檢查，例如體溫測試，必要時可能會要求進行新冠病毒測試。
Scott Morrison亦透露國家內閣已經同意提高國際入境人數上限，每個州都有唔同嘅安排。西澳喺11月開始額外接受140個旅客，昆士蘭州將額外接受150個澳洲本地市民，而南澳同埋澳洲首都領地就表示同意提供持續嘅支援。😍 現時仍然有多過26,200個身處海外嘅澳洲人表示希望能夠返澳洲，當中有4,100個澳洲人更係有需要人士。Scott Morrison希望可以喺今年聖誕節之前帶哂呢26,200個澳洲人返嚟澳洲，佢指出只要維州能夠開始接收海外旅客，呢一切都有可能發生！🎅🎄 不過當然都要取決於多項因素，包括航班嘅安排，州與州之間嘅持續合作等等。
記得Follow/Share我哋 Facebook 同 Instagram!!!
IG: @kongaroo_au
FOOD IG: @kongaroo_food
References:
維州衛生及民政部 - 維州新冠肺炎更新新聞稿（2020年10月23日）
news.com.au - 澳洲疫情：州份邊界有望於聖誕重啟
news.com.au - 西澳並不急於趕及聖誕重啟邊界
The Australian - 十一月增加海外入境者數量，聖誕重啟開放邊界
ABC News - 西澳將於11月14日起取消嚴格邊界限制
https://www.abc.net.au/news/2020-10-30/western-australia-hard-border-ends-low-risk-states-allowed-in/12830120
