情人節又就快到 我自己就臨急抱佛腳 上PINKOI搵禮物 個網真係好好用 買嚟LONG住DUM 嘅無聊野又有 真皮袋又有 文青野又有 睡衣都有 買嚟氹女一流呀 有冇C兄有其他好推介🐶

前排好hit果條Adelaide中國人奶茶舖欠薪暴力事件 完完全全咁將留學生打散工嘅慘況顯露哂出嚟 今之就整個留學生打工懶人包比大家 希望幫到大家唔會跌落各種陷阱 Q: 我最多可以做幾多個鐘頭? A: 只要你年滿18歲，就可以係學期入面每兩星期或14日內做40小時嘅工作，冇糧出嘅都照計。但係冇堂 上嘅假期寒暑假期就冇限制。 Q: 人工跟唔跟本地人睇齊? A: 人工當然係睇齊，稅前必須要超過最低工資 $19.84，比少咗就可以搵fair work (免費服務!!) Q: 勞工權益有冇補障? 有咩權利? A: 只要你係合法咁打工，有提供Tax File Number 同埋冇超時打工，你係一樣享有所有嘅權益，包括 Super(類似強積金)，超時補水，假日補水等等 Q: 比人剝削點算好? 要搵邊個幫手，使唔使拖馬同腦細死過? A: 唔好私底下解決，唔好簽任何文件!! 即刻話比學校知，再搵fair work幫手，澳洲非常重視勞工權益，千 其唔好怯!!! 最後記得要上網申請定Tax File Number!!

Q:冇學過車點樣開始? A: 首先你要考 Learner permit 筆試，主要係道路知識。 必須要32題25題先算過關 ! 考之前記得上vic road 做練習 ! 之後再考Hazard Test，都係筆試，考有關於道路情況嘅應對 ! 最後先係考路試(必須年滿18歲)，記住要自己準備考試用車，通常可以借用教車師傅部車 Q: 考完路試會直接拎P牌? 紅P定綠P? A: 拎咩牌會根據年齡同駕駛年資來決定, 大過22歲，駕駛年資未夠3年 -> 綠P 大過22歲，駕駛年資3年或以上 -> Full License 細過22歲，駕駛年資未夠1年 -> 紅P 細過22歲，駕駛年資1年以上 -> 綠P Q: P牌幾時會變Full License A: 紅P揸夠1年變綠P，綠P揸夠3年就變Full License !! Q: Learner 可唔可以自己揸車? A: 係唔得架，一定要有個Full License 坐喺隔離先可以揸，仲有唔可以上Freeway !!